“Последниот попис на населението, предводен од тогашната влада ДУИ-СДСМ, беше една од најштетните и навредливи акции за албанската дијаспора“, реагираат од ВРЕДИ по вчерашната одлука на Уставн суд за укинување на категориите „резидентно“ и неразидентно“ население при спроведување на ова статистичка операција
ОД ВРЕДИ велат дека претходната влада, преку Заводот за статистика и во целосна координација со политичките структури на ДУИ, ги создала категориите „резидентно население“ и „нерезидентно население“, третирајќи ги иселениците-Албанци од Македонија како граѓани од втор ред.
„Ова беше намерен политички чин за минимизирање на вистинската тежина на Албанците во државата. Ова беше обид да се поништи придонесот и политичката тежина на албанската дијаспора, за ниски партиски интереси. Во очаен обид да ги измие рацете од одговорност, ДУИ го изнесува својот заменик за да ја брани неправдата што ѝ ја нанесе на албанската дијаспора, со разработени, но празни аргументи.
Ние во ВРЕДИ јасно го кажуваме: штетата е направена, но ќе ја исправиме секаде каде што е можно! Одлуката на Уставниот суд е победа за правото, победа за албанската дијаспора и доказ дека државата не може да се однесува арогантно кон своите граѓани.
ВРЕДИ е посветена на воспоставување на достоинството на албанската дијаспора, целосно вклучување во политичкиот и институционалниот живот и исправување на секоја неправда наследена од минатите влади“, се вели во соопштението.