Не чекаат сериозни предизвици, имаме отворено прашање со нашиот источен сосед, но се чини дека нема соговорник од другата страна, рече лидерот на ВМРО-ДПМНЕ и премиер на Македнија, Христијан Мицкоски.
„Нема подобро место од овој 18ти конгрес на ВМРО-ДПМНЕ, да испратиме порака – додека сум јас претседател на ВМРО-ДПМНЕ, нема да се поместам ниту еден милиметар од оваа позиција. Подготвени сме да разговараме, свесни сме за капитуалциите и предавството на најкриминалната влада во историјата на независна Македонија предводена од СДСМ и ДУИ. Свесни сме за штетата историска која ја нанесоа на граѓаните и на државата, подготвени сме да разговараме. Но прво нека се одлучат какви разговори сакаат да имаме, билатерални или разговори со Брисел. Ако се билатерални, тогаш се потврдува нашата теза дека ова е билатерализација на нашиот европски пат. Ако сакаат да разговараме во Брисел, подготвени сме да тргнеме уште утре и да ги презентираме нашите аргументи“, вели Мицкоски.
Никогаш нема да заборавиме – Македонците во Бугарија со отворено писмо до Христијан Мицкоски
Посочи дека нема поместување, се додека не биде испочитувана и последната буква од договорите и меѓународното право и она што им припаѓа на Македонците од другата страна – во Принска Македонија.
„Тоа е доследна примена на сите досегашни пресуди на судот за човекови права во Стразбур, во својство и во насока на исполнување на правата на македонската заедница кај нашиот источен сосед. Второ, ако навистина никој нема проблем со нашата вековка идентитетска константа и нашиот мајчин македонски јазик и дека нема да има повеќе вета, тогаш најмногу што заслужија граѓаните на оваа земја е нови заклучоци од Европскиот совет. Ова се двата столба за кои сме подготвени да разговараме. Затоа сметам дека Македонија мора да направи решение кое ќе спречи идни предавства и ќе ги исцрта цвените линии, но на начин на кој нема да може некој нов трговец од Горни Милановац или хирург од Дубаи да ги прекрши, држејќи ја раката на срцето, со блага насмевка и гнасни предавнички намери“, рече Мицкоски.
Најблиските соработници со честитки до Мицкоски: „Вашата визија инспирира и обединува“