Македонија

Најблиските соработници со честитки до Мицкоски: „Вашата визија инспирира и обединува“

По реизборот за претседател на ВМРО-ДПМНЕ

2 минути за читање

Министри, градоначалници, најблиски соработници испратија честитки до лидерот на ВМРО-ДПМНЕ, Христијан Мицкоски за неговиот реизбор за претседател на партијата, за кого денеска во Кавадарци гласаа 804 од присутни 817 делегати.

Христијан Мицкоски реизбран за лидер на ВМРО-ДПМНЕ

„Како делегат и градоначалник, денеска ја почувствував силата на секој глас и посветеноста на членството на ВМРО‑ДПМНЕ. Со 804 гласа „ЗА“, Христијан Мицкоски е реизбран за претседател – човек кој ја носи Македонија во срцето и води кон сила и перспектива. Честитки, претседателе! Горди сме што заедно работиме за иднина во која секој Македонец ќе ја чувствува слободата, гордоста и надежта за обединета држава. Вашата визија инспирира и обединува“, напиша градоначалникот на Кавадарци, Митко Јанчев.

Честитки испрати и министерот за внатрешни работи, Панче Тошковски.

„Честитки за реизборот на претседателот Христијан Мицкоски. Во години кога државата поминуваше низ најтешките политички и економски моменти, тој издржа, стоеше исправено и ја водеше партијата во вистинска насока. Денешниот реизбор е потврда за таа упорност, за визијата и за довербата што ја има меѓу луѓето. Пред нас е сериозна задача, да изградиме држава каква што навистина му доликува на народот, безбедна, праведна и развиена“, напиша Тошковски на Фејсбук.

Мицкоски: Победи идејата – од поглавје на кризи, отвораме поглавје на зрелост

Со подолга честитка се јави и скопскиот градоначалник, Орце Ѓорѓиевски. Вели, чест е да се биде дел од Конгресот на кој беше повторно избран Мицкоски, како единствен кандидат.

„Заедно со претседателот Христијан Мицкоски, со верното членство, со упорност и искрена борба, изодевме долг пат исполнет со предизвици, но и со големи победи. Со многу работа, чесност и посветеност ја донесовме најзначајната победа за ВМРО. Убеден сум и дека во годините што доаѓаат, повторно предводени од Христијан Мицкоски, Македонија ќе чекори по уште посветла патека. Тој е човекот со кого пораснав, кој е еден од моите најблиски пријатели и познавајќи го, знам каква иднина ја чека Македонија. Заедно, создаваме силна и стабилна иднина за генерациите што доаѓаат, со визија што создава, што обединува и што носи надеж“, напиша Ѓорѓиевски.

Премиерот на Хрватска, лидери од Италија, Шведска, Словенија, Германија и ЕНП со силни пораки за ВМРО-ДПМНЕ

Поврзани теми:

актуелно|ВМРО-ДПМНЕ|претседател|реизбор|блиски соработници

Повеќе на оваа тема:

Најнови вести од: Македонија

Неуспешните обиди на Бугарите да ги спречат Кажимјеж Фелешко и други полски македонисти во меѓународната афирмација на самобитноста на македонскиот јазик

Денес, на 3 јули 2026 година се навршуваат 25 години од смртта на истакнатиот полски славист и македонист Кажимјеж Фелешко, еден од големата низа полски македонисти, кој има дадено драгоцен придонес кон меѓународните студии на македонскиот јазик, третиран како засебен јазик во семејството на јужнословенските јазици. Оваа годишнина е повод за осврнувањето на научното творештво негово, но и на цела една голема низа други исто така истакнати полски македонисти, кои повеќе децении во континуитет се вклучени во студиите за македонскиот јазик, во македонистиката во Полска, а со тоа и во широката меѓународна афирмација за македонскиот јазик. Во овој контекст е посебно за истакнување и една од најголемите полски македонистки и членка на Македонската академија на науки и уметности Зузана Тополинска, која во 2020 година ќе изнесе шокантно сведоштво во интервју за „360 степени“ дека Бугарите ѝ нуделе дури и пари да се откаже од македонистиката и македонскиот јазик. „Бугарите се циркус, поради својата несигурност во врска со поради македонскиот јазик!“ – ќе каже академик Тополинска во тоа свое интервју. Во 2005 година професорката Лилјана Минова – Ѓуркова ќе изнесе уште еден вџашувачки момент: при доделувањето на почесниот докторат на науки на Станислав Гајда, полски филолог и македонист, од страна на Универзитетот УКИМ, Бугарите им упатувале и ултиматуми не само на група македонски македонисти, туку и на самиот Гајда, „да се откажат од Македонците и македонските дијалекти во Бугарија“! Ова Ѓуркова го напишала во соодветно полско списание во статија посветена на доделувањето на почесниот докторат на науки на Гајда, инаку полски филолог-македонист, како и член на Полската академија на науки.    

Ошлис: Македонецот Наум Охридски е европски просветител, но и дипломат, а Европа ако ја изгуби Македонија, набргу ќе се изгуби и саматата себеси! (3)

Големиот германски македонист проф.д-р Волф Ошлис силно ја застапува македонската историска перспектива и нагласува дека дејноста и традицијата на Свети Наум Охридски е дел од македонското јазично-културно и просветителско наследство. Во своите истапувања на Меѓународниот семинар за македонски јазик и култура во Охрид во изминатите години Ошлис ја ја аргументирал повеќе пати својата констатација дека Наум е еден од основноположниците на македонската култура, јазик, религија и наука, без никаква врска со други народи во Балканот. Во својот научен труд со наслов „Македонецот Наум Охридски и Германецот Регино фон Прим како европски дипломати“ Ошлис, дури, го означува македонскиот просветител и како еден од првите и тоа врвни европски дипломати, поради развиените контакти, што ги имал со тогашните владетели и видните личности од нивните царски дворови, во рамки на своето учество во тогашната Моравска мисија на македонските и сесловенски просветители Кирил и Методиј, започната во 863 година меѓу народите во Средна Европа.

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.

Монах Амвросиј: Свети Наум ја градеше душата на древниот македонски народ, кој стои со својот идентитет во темелите на европската цивилизација! (2)

„Во тишината на бреговите на Охридското Езеро манастирот ‘Свети Наум’ со векови ја чува духовната светлина на македонскиот народ.  За да ја разбереме духовната мисија на манастирот ‘Свети Наум’ денес мораме да погледнеме во длабочината на нашиот историски и духовен континуитет. Кога Свети Наум го основал овој манастир во 905 година на брегот на Охридското Езеро, тој не градел само ѕидови, туку ја градел душата на еден народ. Ова свето место не е само нем споменик од минатото, туку жива лулка, во која пулсираат македонскиот идентитет и нашата национална меморија. Манастирот ‘Свети Наум’ е жива историска енциклопедија, во која е впишан целиот македонски национален и духовен код. Овде не се вкрстувале само патиштата на обичните луѓе, туку овде се кршеле копјата на најголемите империи, а манастирот секогаш останувал исправен како светилник на нашата самобитност. Затоа, манастирот ‘Свети Наум’ не е само историја. Тој е жив доказ дека еден народ, што го изградил својот идентитет врз писменост, вера и манастирска непокорност, никогаш не може да биде избришан од мапата на светот!“ – нагласува во интервју за „Нова Македонија“ монахот Амвросиј, жител на ова свето место и моментно студент на Московската духовна академија.
Сите вести од Македонија

Најнови вести

To top