Хрватскиот претседател Зоран Милановиќ за време на посетата на Словачка откри дека е истомисленик со својот словачки колега Петар Пелегрини и со премиерот Роберт Фицо, „но, тоа не значи дека денес сите во Европа мислат исто“.
„Постои една тенденција да се убедуваат луѓето, а ако не оди добро, од тоа многу брзо се откажуваат, па потоа се оди на сила за сите да размислуваат исто, а тој филм веќе сме го виделе. Поради тоа пропаднаа Југославија и Советскиот сојуз. Се надевам дека нема и Европската унија“, рече Милановиќ на средбата со претставниците на хрватското малцинство во Словачка.
„Не можат сите да се однесуваат на ист начин, а заедничките демократски вредности се прашање на толкување“, додаде тој.