Бизнис

Има 32.000 приматели на социјална помош, а 18.000 слободни работни места во секое време

Илјадници работоспособни лица примаат социјална помош, додека работни места остануваат празни, вели во интервју за РСЕ Ѓоко Велсковски заменик министер за социјална политика, демографија и млади. Тој зборува и доцнењето на социјалните исплати, дефицитот во ПИОМ и мерките за младите.

2 минути за читање

Ѓоко Велковски, заменик министерт за социјална политика, демографија и млади, во интервју за Радио Слободна Европа вели дека ликвидноста на Фондот за пензиско осигурување може да се подобри со зголемување на бројот на работници на пазарот на труд. Тоа, како што рече тој одговарајќи на едно од прашањата, може да се направи со поголемо стимулирање на вработеноста кај неактивните приматели на социјална помош од дрќавата.

  • Според сите статистики што ги имаме, во Македонија сè уште има доволен број луѓе што можат да бидат вработени. Ќе дадам еден пример: во системот на социјална заштита денес имаме 32.000 семејства што користат гарантирана минимална помош. Семејства кои имаме баба, дедо, татко, мајка, ќерка син, кои во најголем дел тие се полнолетни и работоспособни како граѓани, вели тој.

Потенцијал има, но да го репрограмираме буквално системот во државата. Не може само Министерството за социјална политика да делува и да прави активни мерки. Потребен е заеднички ангажман на целата држава и другите министерства кои треба заеднички да направат оваа потреба на работна сила која годинава, според податоците, има околу 18.000 испразнети работни места и тој јаз може да се надомести и од други ресурси што со години биле оставени надвор од пазарот на труд, рече Велковски.

Фондот за ПИОМ веќе со години функционира со значителен трансфер на пари од државниот буџет, а за 2026 година се бараат дополнителни над 200 милиони евра. Дали дефицитот станува хроничен проблем?

  • Проблемот што го спомнавте – дали станува хроничен – имаме ситуации и за тоа не треба да бегаме. За ова јавно говориме и премиерот во неколку наврати го истакна тоа на седници на Владата дека денес сме доведени во ситуација да имаме еден пензионер на еден и пол вработен како статистичка бројка во Македонија. Повеќе на РСЕ.

Поврзани теми:

работни места|Труд и социјала|Велковски|топ|Македонија|работници|помош|граѓани|ресурси

Повеќе на оваа тема:

Најнови вести од: Бизнис

Владата нуди унифицирана формула за покачување на платите

Владата има своја формула за пресметување на платите на вработените во администрацијата. Најголем дел од претставниците на синдикатите, и репрезентативните и од гранковите, се согласни со таа позиција на Владата, со неколку исклучоци. Формулата што ја нуди Владата во врска со тоа како ќе следи покачувањето на платите на административците етапно ќе значи повисоки примања за нив, а не само за онолку средства колку што ќе расте минималната плата.

Занаетчиите уплашени, ако порасне минималецот ќе мора да ги затворат дуќаните

Растот на минималната плата на 600 евра, иако на прв поглед звучи како чекор кон подобар животен стандард, може да има сериозни последици за занаетчискиот сектор и малите бизниси. Наместо поголема сигурност за работниците, овој потег ризикува да предизвика затворање на дуќани, отпуштања и дополнително осиромашување на локалните заедници, алармира Занаетчиската комора.

Макроекономските движења во согласност со очекувањата на Народна банка

На крајот на 2025, нивото на девизните резерви достигна 4.920,5 милиони евра и според сите релевантни показатели, обезбедува соодветна поддршка за одржување на стабилноста на домашната валута. Податоците од монетарниот сектор укажуваат на натамошна солидна кредитна поддршка за економијата и зајакнување на депозитната база на банките. Во четвртиот квартал од 2025, годишниот раст на вкупните кредити изнесуваше 13%, при годишен раст и на депозитите од 10%, што е малку над нивото проектирано за крајот на годината.

(Фото): Само во 2025. извозот на македонски производи преку „Лидл“ достигна 15,5 милиони евра

Свежото овошје и зеленчук се потврдија како еден од клучните извозни адути. Од вкупниот извоз преку Лидл, околу 5 милиони евра се однесуваат токму на оваа категорија. Извезени се 15 различни видови земјоделски култури од повеќе од десет домашни добавувачи, а најзастапени биле грозје, зелка, пиперка, моркови и домати. Овие производи имале добар пласман во Бугарија, Германија, Романија, Полска, Словачка, Србија и Чешка.

Студентите и пензионерите ќе можат легално да работат без да ги изгубат правата, односно да не работат на црно

Формализацијата на сивата економија е еден од врвните приоритети на Владата, со цел зајакнување на економскиот раст, стабилноста на јавните финансии и подобра заштита на работниците, изјави министерот за економија и труд Бесар Дурмиши на презентацијата на Законот за работно ангажирање лица во Владата.

Буџетот за капитални инвестиции е ограничен по заслуга на СДСМ, велат од министерството за енергетика

И покрај ниските, манипулативни и неосновани напади од СДСМ, Министерството за енергетика, рударство и минерални суровини останува фокусирано на реализација на клучни проекти за граѓаните, со одговорно планирање, финансиска дисциплина и без загрозување на стабилноста на државата, се огласи министерството.
Сите вести од Бизнис

Најнови вести

To top