Основниот кривичен суд Скопје го осуди Фатон Љури на 11 години затвор за сообраќајната трагедија што се случи на 1 јули 2025 година на пешачката патека на кејот на Вардар во Скопје.
Љури, управувајќи мотор „Кавасаки“ без возачка дозвола и без заштитна кацига, удрил во пешакот Југослав Николовски (68 години), кој подоцна починал од здобиените повреди.
По ударот, обвинетиот не застанал да укаже помош, туку го напуштил местото на несреќата и два дена бил во бегство.
По неговото пронаоѓање и приведување, беше поведена кривична постапка која заврши со денешната пресуда – 11 години ефективен затвор.
Случајот предизвика големо внимание во јавноста поради бруталноста на настанот и бегството на возачот.