Македонија

Македонија во првата третина од земјите во светот според безбедноста

Македонија се најде на 51. место меѓу 163 земји опфатени со истражувањето на Институтот за економија и мир од Сиднеј, кој го изработува Глобалниот индекс на мир

1 минута за читање

Во однос на минатата година Македонија бележи пад од четири места на ова рангирање, во кое индексот се пресметува според степенот во кој државите се вовлечени во внатрешни и надворешни конфликти, чувството за безбедност, тероризам, нивото на криминал, насилните демонстрации, како и воените расходи, извозот на оружје и бројноста на оружените сили.

Од земјите во регионот Македонија е пред Албанија, која го дели 52. место, Босна и Херцеговина (дели 59.), Косово (63.), Србија (дели 64.), а зад Словенија (9.), Хрватска (19.), Бугарија (29.), Црна Гора (34.) и Грција (45.).

Десетте најмирни земји во светот, според Глобалниот индекс за мир се Исланд, Ирска, Нов Зеланд, Австрија, Швајцарија, Сингапур, Португалија, Данска, Словенија и Финска по тој редослед, а најнебезбедни Русија, Украина, Судан, ДР Конго, Јемен, Авганистан, Сирија, Јужен Судан, Израел и Мали.

Поврзани теми:

безбедност|глобален индекс на мир|Институт за економија и мир|Македонија

Повеќе на оваа тема:

Најнови вести од: Македонија

Денес гласаат болните и изнемоштените лица пред утрешните збори за градоначалник во Гостивар, Маврово Ростуше, Врапчиште и Центар Жупа

Пред утрешното гласање на повторените избори за градоначалник во општините Гостивар, Маврово Ростуше, Врапчиште и Центар Жупа, денеска избирачките одбори ќе им овозможат на болните и изнемоштените лица да го остварат својот глас во нивните домови, а ќе гласаат и притворените и затворениците, жители на овие општини. Од Државната изборна комисија (ДИК) посочуваат дека се е подготвено за повторените избори.

(Фото): Безбедно отстранета ретка неексплодирана минофрлачка граната од Првата светска војна

По безбедносните проверки на состојбата на неексплодираната граната, согласно пиротехничарските, деминерски, стандардни оперативни процедури, гранатата е безбедно подигната од местото каде е пронајдена и се транспортира за понатамошна постапка за нејзино уништување.

Крај на пушењето – се крои досега најстрог закон

Македонија е на чекор до донесување на најригорозниот закон за заштита од пушење досега, кој драстично ќе го промени секојдневието на пушачите, угостителите и трговците. Според нацрт-верзијата на законот до која дојде Телма, се подготвува целосно исфрлање на цигарите од јавниот живот и затворените простори, без исклучоци.
Сите вести од Македонија

Најнови вести

To top