Денеска во Република Македонија времето ќе биде нестабилно, со променлива облачност и повремени локални врнежи од дожд. Ќе дува умерен, а на одделни места и засилен ветер од јужен правец.
Утринските температури ќе се движат од 2 до 7 степени, додека дневните максимални ќе достигнат од 8 до 15 степени Целзиусови.
Во Скопје се очекува променливо облачно време со можност за повремен дожд. Ќе дува умерен до засилен јужен ветер. Минималната температура ќе биде околу 2 степени, а максималната до 10 степени.
Во наредните денови, под влијание на циклонска активност, ќе преовладува променливо облачно и потопло време со повремени локални врнежи.
Поинтензивни врнежи од дожд се очекуваат кон средината на следната седмица.
Ветерот ќе остане умерен до засилен од јужен правец, а температурите ќе продолжат да растат – особено утринските, кои насекаде ќе бидат над нулата.