Инцидентот се случил десет минути по полноќ, кога полициска патрола се обидела да запре мотоцикл, кој се движел без регистарски ознаки. Наместо да застане, возачот-малолетник дал гас и со моторот удрил во еден од полицајците, нанесувајќи му телесни повреди.
Од полицијата велат дека апсењето не поминало мирно. „Набргу, по преземени мерки мотоциклот е запрен и тие се фатени, при што малолетниот сопатник агресивно се однесувал кон полициските службеници“, се наведува во официјалното соопштение на МВР.
Двајцата малолетници се приведени во полициска станица, а по целосно документирање на случајот против нив ќе бидат уследат соодветни поднесоци.