Македонија

Јанкуловски: Многу се накотија печурките, хранети со политичките фекалии на СДСм, кој преку закани кон Героски охрабрува на неријателство кон медиумите!

„Во Македонија премногу се накотија печурките, потхранувани со политичките гом’а на социјалдемократите, за да може да изрти семето на слободниот говор во медиумите! Заканите кон новинарите, кои се случуваат денес, се израз на политичка разгаленост и неотпорност на арогантни политичари да се поднесе критика. Преку закани, омаловажување и оцрнување на новинарот Героски СДСм ги охрабрува своите поддржувачи да не им веруваат на медиумите, со кои не се согласуваат, свесно поттикнувајќи неподнесување и отворено непријателство кон секој оној кој се обидува да ја оствари својата мисија за барање вистина и известување за неа.“ – нагласува универзитетскиот професор Звонимир Јанкуловски во својата жестока колумна со наслов „Политика на „меки стомаци“ – да го вратиме Волтер во Македонија“, која ја обави информативната агенција Нетпрес.

1 минута за читање

Натаму, покрај другото, Јанкуловски истакнува: Тоа што го прави новинарот Героски во полемиката со опозиционата политичка партија всушност е одбрана на професијата која, повторно како многупати досега, останува молчалива. Да не помисли дека овој напис е во одбрана на новинарот Героски. Нема потреба од тоа, научен е сам да ги води своите битки – за себе и за фелата, на која припаѓа. Политичките закани кон новинарството често се дел од пошироки, систематски напори за ослабување, поткопување, па дури и демонтирање на формалните и неформалните институции на демократијата. Потребен е гласот на нашите медиуми и медиумски организации, за да се прекине со постојаните зборовни напади кои ги ставаат во опасност критички настроените индивидуални новинари и слободата на печатот пошироко.

Целата колумна тука

Поврзани теми:

топ|актуелно|СДСМ|Звонимир Јанкуловски|Бранко Ѓероски|напади и закани кон новинари

Повеќе на оваа тема:

Најнови вести од: Македонија

(Фото): „Лајка“ ги прибира кучињата од скопски Карпош кои со камион беа донесени од Албанија

Екипи на ЈП „Лајка“ се на терен во Карпош по повеќе пријави од граѓани за појава на поголема глутница кучиња, при што претпријатието најави безбедно и хумано заловување согласно законските процедури. Истовремено, здружението „Анима Мунди“ пласира сомнеж дека дел од кучињата се „непознати“ за локалната улична популација и дека можеби станува збор за организирана дислокација, со наводи за животни со ушни маркици од Албанија.

Критики и пофалби за законот за заштита од пушење – Може ли неговата примена да го расчисти чадот од цигарите?!

По години колебање, половични решенија и слаба примена на постојната регулатива, државата повторно се обидува радикално да го ограничи пушењето. Новиот предлог-закон за заштита од тутун и од никотин предвидува една од најстрогите рамки досега: не само со забрана за пушење во речиси сите јавни и работни простори туку и со целосно отстранување на тутунот од рекламирањето, медиумите, културните и спортските настани.

Гаши: Како на членка на НАТО не ни прилегаат технички влади, а предвремените избори носат нестабилност!

Во однос на така наречената „Пржинска влада“ претседателот на Собранието на Република Македонија Африм Гаши оцени дека Македонија, како стабилна држава и членка на НАТО, нема потреба од технички влади за организирање избори, бидејќи изборните процеси во изминатиот период поминуваат без сериозни забелешки.

Хрватската полиција шокирана: Возел велосипед со речиси смртоносни 4,45 промили алкохол во крвта!

Доцна вечерта во недела на 11 јануари, полицајци во Вировитица запреле 31-годишен маж кој возел велосипед и направил неколку сообраќајни прекршоци. Алкотестот измерил концентрација од дури 4,45 g/kg алкохол во неговото тело, што претставува сериозна опасност и за него и за другите учесници во сообраќајот.

Муцунски: Бугарија има тенденциозни забелешки за Акцискиот план за малцинствата, иако е одличен, ќе го разгледаме темелно, за да не го спори пак во ЕУ!

Мора да го разгледаме темелно Акцискиот план за малцинствата оти и утре да го објавиме Бугарија пак ќе го оспорува пред ЕУ. Сите забелешки за акцискиот план за малцинствата, кои не се тенденциозни и се објективно применливи, ќе бидат прифатени, вели министерот за надворешни работи и надворешна трговија, Тимчо Муцунски.

Уапсен човекот што го скрши стаклото на вратата на бугарската амбасада

На улицата „Свети Кирил и Методиј“ во Скопје денеска во 12.40 часот бил уапсен човекот што вчера го скрши стаклото на влезната врата на амбасадата на Бугарија во Скопје, соопшти СВР Скопје. Станува збор за Ш.А.(54) од Скопје.

Алиу: Предлог-законот за заштита од пушење не е рестриктивен, европски е, а над 45 отсто од возрасните пушат!

Предлог-законот за заштита од пушење, кој се очекува да стапи во сила на 1 март, не е рестриктивен, тој е европски. Станува збор за воспоставување на европски стандарди за заштита на здравјето, изјави за МИА министерот за здравство Азир Алиу. Преку податоците кои ги добивме од Светската здравствена организација над 45 проценти од возрасната популација пуши, што ја става нашата земја меѓу земјите со највисока стапка во Европа според начинот на користење на цигари или некаков вид тутунски производи, рече Алиу.
Сите вести од Македонија

Најнови вести

To top