Парламентарната група ГЕРБ-СДС го доби и веднаш го врати првиот мандат за формирање бугарска влада како неуспешен.
На средбата со претседателот Румен Радев се појави само премиерот во оставка Росен Жељазков.
Така, првата можност за формирање кабинет беше исцрпена за помалку од 10 минути.
Претседателот сега треба да му го предаде вториот мандат на “ПП-ДБ, кои исто така најавија дека ќе го вратат.
Ова ќе се случи во наредните денови, рече претседателот, без да прецизира кога.
Доколку и тие не успеат да го исполнат мандатот, самиот шеф на државата избира на која друга политичка сила во Народното собрание да ѝ ја додели последната шанса за формирање влада.
Лидерот на „Продолжување на промените“ Асен Василев за Бугарското национално радио изјави дека „….уште кога владата на премиерот Росен Жељазков поднесе оставка рековме дека треба да одиме на нови избори што е можно побрзо, па затоа ќе го вратиме мандатот во моментот на неговото добивање“, истакна Василев.
Тој истакна дека ако се погледне календарот, вистинскиот датум за новите предвремени парламентарни избори е 29 март, бидејќи по тоа е пролетниот распуст на училиштата, а потоа Велигден.