Македонија

Славески: Инфлацијата е стабилна, растот во декември е резултат на авионскиот превоз

Постојат добри основи 2025 година да ја завршиме со стапка на инфлација под 3%.

2 минути за читање

 

Декемвриските податоци даваат јасен сигнал дека инфлацијата е стабилна и дека постојат добри основи 2025 година да се заврши со стапка на инфлација под 3%, сподели на социјалните мрежи Гувернерот на Народната банка, Трајко Славески.

Државниот завод за статистика објави дека инфлацијата во декември 2025 година во однос на ноември 2025 изнесувала 0,4% и дека индексот на трошоците на живот во 2025 година во однос на 2024 бележи пораст од 4,1%, а индексот на цените на мало од 3,6%.

Според гувернерот „месечната инфлација во декември 2025 година, во споредба со ноември, изнесува 0,4%, при што растот се должи исклучиво на категоријата „транспорт“, каде што цените во истиот период пораснале за 5,8%.Овој податок е малку чуден во услови на стабилни цени на горивата и непроменетите цени во јавниот превоз.

Според структурата на индексот, клучен фактор за растот е енормното зголемување на цените на авионскиот превоз, кои во декември минатата година пораснале за дури 42%“, наведе Славески во пост на социјалната мрежа Х (Твитер).

Гувернерот оценува дека доколку од пресметката на индексот на цени за декември 2025 година се изостави транспортот, односно авионскиот превоз како целосно странска компонента, месечната инфлација во однос на претходниот месец би изнесувала точно 0,0%..

Ова, посочува Славески, е јасен сигнал дека инфлацијата е стабилна и дека постојат добри основи 2025 година да ја завршиме со стапка на инфлација под 3%.

 

Поврзани теми:

Транспорт|авионски превоз|избор|гувернер|Славески|инфлација

Повеќе на оваа тема:

Најнови вести од: Македонија

Хрватската полиција шокирана: Возел велосипед со речиси смртоносни 4,45 промили алкохол во крвта!

Доцна вечерта во недела на 11 јануари, полицајци во Вировитица запреле 31-годишен маж кој возел велосипед и направил неколку сообраќајни прекршоци. Алкотестот измерил концентрација од дури 4,45 g/kg алкохол во неговото тело, што претставува сериозна опасност и за него и за другите учесници во сообраќајот.

Муцунски: Бугарија има тенденциозни забелешки за Акцискиот план за малцинствата, иако е одличен, ќе го разгледаме темелно, за да не го спори пак во ЕУ!

Мора да го разгледаме темелно Акцискиот план за малцинствата оти и утре да го објавиме Бугарија пак ќе го оспорува пред ЕУ. Сите забелешки за акцискиот план за малцинствата, кои не се тенденциозни и се објективно применливи, ќе бидат прифатени, вели министерот за надворешни работи и надворешна трговија, Тимчо Муцунски.

Уапсен човекот што го скрши стаклото на вратата на бугарската амбасада

На улицата „Свети Кирил и Методиј“ во Скопје денеска во 12.40 часот бил уапсен човекот што вчера го скрши стаклото на влезната врата на амбасадата на Бугарија во Скопје, соопшти СВР Скопје. Станува збор за Ш.А.(54) од Скопје.

Алиу: Предлог-законот за заштита од пушење не е рестриктивен, европски е, а над 45 отсто од возрасните пушат!

Предлог-законот за заштита од пушење, кој се очекува да стапи во сила на 1 март, не е рестриктивен, тој е европски. Станува збор за воспоставување на европски стандарди за заштита на здравјето, изјави за МИА министерот за здравство Азир Алиу. Преку податоците кои ги добивме од Светската здравствена организација над 45 проценти од возрасната популација пуши, што ја става нашата земја меѓу земјите со највисока стапка во Европа според начинот на користење на цигари или некаков вид тутунски производи, рече Алиу.

Тежок инцидент: Му побарале возачка, тој со автомобилот удрил полицаец

Вчеравечер на наплатната станица „Миладиновци“ струмичанец откако бил сопрен од полицијата поради легитимирање, но со автомобилот удрил во еден полицаец а потоа избегал. Педесет минути подоцна бил уапсен на наплатната станица „Преод“.

Муцунски за инцидентот пред бугарската амбасада: Го осудуваме, но тоа е изолиран случај!

Министерот за надворешни работи и надворешна трговија Тимчо Муцунски денеска го осуди инцидентот во кој од страна на еден сторител е искршена влезната врата на бугарската амбасада во Скопје. Според првичните информации, се работи за изолиран случај во кој е причинета материјална штета во не голем обем, вели Муцунски.

Јанкуловски: Многу се накотија печурките, хранети со политичките фекалии на СДСм, кој преку закани кон Героски охрабрува на неријателство кон медиумите!

„Во Македонија премногу се накотија печурките, потхранувани со политичките гом’а на социјалдемократите, за да може да изрти семето на слободниот говор во медиумите! Заканите кон новинарите, кои се случуваат денес, се израз на политичка разгаленост и неотпорност на арогантни политичари да се поднесе критика. Преку закани, омаловажување и оцрнување на новинарот Героски СДСм ги охрабрува своите поддржувачи да не им веруваат на медиумите, со кои не се согласуваат, свесно поттикнувајќи неподнесување и отворено непријателство кон секој оној кој се обидува да ја оствари својата мисија за барање вистина и известување за неа.“ – нагласува универзитетскиот професор Звонимир Јанкуловски во својата жестока колумна со наслов „Политика на „меки стомаци“ – да го вратиме Волтер во Македонија“, која ја обави информативната агенција Нетпрес.
Сите вести од Македонија

Најнови вести

To top