Свет

Трамп сака „Мировен совет“ за Украина предводен од него, по примерот на Газа

Администрацијата на Трамп ја разгледува идејата за користење на шемата „Мировен совет“ за да се стави крај i на други конфликти, вклучително и во Украина и Венецуела

Администрацијата на американскиот претседател разгледува можност за создавање „Мировен совет“ за следење на спроведувањето на идниот договор за прекин на војната во Украина, по урнекотт на оној за Газа, објави британскиот весник

„Мировниот совет“ е дел од мировниот план за Појасот Газа, договорен со посредство на Трамп. Ова тело, чиј претседател треба да биде Доналд Трамп, треба да го координира идното управување со палестинската енклава.

Како што изјави за „Фајненшл тајмс“ висок украински функционер вклучен во преговорите со САД, создавањето „Мировен совет“ за Украина, треба да го предводи и американскиот претседател, и е важен дел од предлозите насочени кон прекин на војната во украина.

Советот треба да вклучува претставници на Украина, Европа, НАТО и Русија, а неговата задача е да обезбеди спроведување на идниот мировен план и да го следи неговото почитување.

Засега нема знаци дека Русија е подготвена да се согласи – или дури и сериозно да разговара – за мировниот план од 20 точки договорен од САД, Украина и нејзините западни сојузници. Москва бара територијални отстапки од Украина, што Киев го смета за неприфатливо.

„Фајненшл тајмс“, повикувајќи се на извори, изјави дека администрацијата на Трамп ја разгледува идејата за користење на шемата на Мировниот совет за да се стави крај на други конфликти, вклучително и во Украина и Венецуела.

Еден од соговорниците на „Фајненшл тајмс“, запознаен со предлозите на САД, рече дека некои сметаат дека администрацијата на Трамп гледа на Мировниот совет „како потенцијална замена за ОН… како еден вид паралелно, неформално тело за решавање на други конфликти, не само во Газа“.

Американскиот претседател Доналд Трамп го објави составот на „Мировниот совет за Газа“, каде што, според Трамп, седат имиња од тежок калибар како поранешниот британски премиер Тони Блер, државниот секретар на САД Марко Рубио и бугарскиот политичар Николај Младенов.

Најнови вести од: Свет

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

Кремљ ја укинува забраната за ликвидација на Зеленски и военото раководство?

Претставници на безбедносните служби побарале дозвола за физичка елиминација на највисокото воено и политичко раководство на Украина, пишува „Московски комсомолец“, руски весник близок до властите

To top