Македонија

Македонија била против Бугари во Уставот зошто тие веќе биле значителен дел од населението?!

Бугарската аналитичарка Валкова „најде“ 16 отсто сонародници кај југозападниот сосед, заедно со децата, од што Скопје имало уплав

Малинка Валкова, меѓународна аналитичарка од Бугарија, пред тамошната телевизија Евроком излезе со „хипотеза“ зошто Македонија се противи на впишувањето Бугари во Уставот.

Според Валкова отпорот на Скопје се должи на фактот дека Бугарите веќе претставувале значителен дел од населението. Во 2025 година, објаснува таа, бугарското Министерство за внатрешни работи објави статистика според која 217.000 македонски граѓани стекнале бугарско државјанство.

„Но, тука има една квака – внимавајте, тие го стекнале тоа“, нагласува Валкова, додавајќи дека статистиката не ги вклучува децата на овие луѓе кои директно се раѓаат како бугарски граѓани и наведува дека точната бројка е над 300.000 граѓани на Македонија со бугарско државјанство.

„Со население од околу 1,8 милиони луѓе, овие 300.000 претставуваат приближно 1/6 или околу 16 проценти од граѓаните на нашиот југозападен сосед“, вели таа.

Валкова објаснува дека доколку Бугарите бидат регистрирани како државотворен народ, тоа би довело до обврска да им се обезбедат квотни места во државната администрација и во институциите, слично на албанското малцинство, кое е околу 25 отсто од населението.

„Разбирате ли дека во одреден момент би можело да се дојде до хипотеза во која Македонците би биле малцинство во сопствената земја, бидејќи Бугарите и Албанците би биле побројни од нив?“, реторички прашува аналитичарката.

Покрај тоа, бугарскиот јазик ќе треба да стане службен во институциите, како албанскиот, додава Валкова.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

To top