Многу топлото време со температури во интервал од 12°C до 20°C во утринските часови, до максимални дневни од 30°C до 40°C ќе преовладува денеска низ целата земја.
Во Скопје се очекува сончево и многу топло време со слаба до умерена нестабилна облачност и слаб јужен ветер.
Во попладневните и вечерните часови локално ќе се развива нестабилна облачност со можност за пороен дожд и грмежи, особено во форма на краткотрајно невреме со засилен ветер.
До вторник ќе се задржи многу топло време со дневна температура наместа и над 40 степени.
Во среда и четврток ќе дува засилен северен ветер кој ќе предизвика значително опаѓање на дневната температура, а в среда, претежно во северните делови од земјава, ќе има локален дожд.
Според прогнозата на Управата за хидтрометеоролошки работи, максималната температура во четврток и петок ќе падне на 32 односно 33 степени.