Иранскиот корпус на Револуционерната гарда (ИРГК) соопшти дека нивната морнарица утрово погодила американски танкер во северниот дел на Персискиот Залив.
Во соопштението за медиумите, тие наведуваат дека воените и трговските бродови на САД, Израел и европските земји што ги поддржуваат „нема да можат да поминат“ низ областа.
„Ако ги забележиме, сигурно ќе бидат погодени“, соопшти ИРГК.
Тие додадоа дека Иран претходно предупредил дека има право да го контролира преминот на бродовите низ Ормускиот теснец во време на војна.
„Веќе рековме дека, врз основа на меѓународните закони и резолуции, Исламската Република Иран ќе има право да го контролира преминот низ Ормускиот теснец во време на војна“, објави ИРГК, пренесе иранската агенција Тасним.