Македонија

На настап во ресторан во Гевгелија, “прскалките’ на ДНК запалиле платно и звучници

„Да користеа со домет од метар или два, немаше да настане пожар. Такви со домет од три метри се продаваат на Бит-пазар и се за надворешна употреба“, вели сведок

2 минути за читање

Пред трагедијата во „Пулс“ во Кочани, на настап на групата ДНК во ресторан во Гевгелија се запалиле платно и звучници, сведочеше пред судот сопственикот на продавница за пиротехника Горан Игновски. Тој рече дека за инцидентот слушнал од колега кој работи со озвучување.

ДНК на настап во ресторан во Гевгелија имаат запалено платно и звучници. Колега од Гевгелија, Јани Мурџиев, кој работи со озвучување, ми раскажа за ова. Не знам кога точно се случило“, изјави Игновски.

Во своето сведочење тој зборуваше и за пиротехниката што се користела на настапите. Откако ги видел видеата од пожарот во Кочани, посочи дека прскалките кои биле употребени имале домет поголем од три метри.

„Да користеа со домет од метар или два, немаше да настане пожар. Такви со домет од три метри се продаваат на Бит-пазар и се за надворешна употреба“, рече сведокот.

Сведокот додаде дека по пожарот во Кочани имал две кутии со вакви прскалки – едната ја предал во полиција, а другата, како што рече, најверојатно сè уште ја има. Според неговите зборови, вкупно продал најмногу 15 вакви кутии.

Тој ја објасни и разликата меѓу таканаречените „топли“ и „ладни“ прскалки.

Топлата прскалка гори околу 30 секунди и чини околу 500 денари. Ладните прскалки за истото време чинат околу 100 денари, но уредот за нив чини околу 30.000 денари и мора да има струја и кабли“, рече Игновски. објави Скопје1.мк

Поврзани теми:

актуелно|пожар|Пулс|Гевгелија|днк|прскалки

Повеќе на оваа тема:

Најнови вести од: Македонија

„Политико“: Расте бунтот против Урсула Лаен, ги изнервира и европските влади, зашто се меша во сѐ и сешто!

Фон дер Лаен ги изнервира европските влади: си го пречекорила мандатот во иранската криза. Европските влади се иритирани поради, како што велат, потегот на Урсула фон дер Лаен да се позиционира како главен претставник на Европската Унија во странство, и тврдат дека во првите денови од американско-израелската кампања против Иран таа го пречекорила својот мандат, […]

ОМО „Илинден“ – Пирин: Шовинистичка забрана за Менкиноски зашто е Македонец! ЕУ не смее да остане рамнодушна на бугарските закани кон македонскиот идентитет!

„Поддршка за Менкиноски! Забраната против адвокатот Тони Менкиноски не е со правна позадина – таа е етничка, само затоа што е Македонец. Oва е срамна постапка што ја разоткрива вистинската природа на шовинизмот кој владее во некои кругови во Бугарија.“ – реагира жестоко политичката органиација на Македонците во Бугарија ОМО „Илинден“-Пирин по одлуката на официјална Софија да му се забрани влез во Бугарија на Тони Менкиновски до 2036 година, затоа што претставувал „закана за националната безбедност“ на оваа држава-членка на ЕУ.

Муцунски разочаран, поради 10-годишната забрана за Менкиновски од Бугарија: МНР подготвува соодветна дипломатска реакција

Разочаран сум од односот на една земја членка на ЕУ кон нашите граѓани. Ние во минатото и со други наши соседи сме имале такви слични состојби. Секогаш сме реагирале по соодветен дипломатски пат, мерката и механизмот дополнително ќе ги процениме во рамките на институцијата, каква мерка и кој механизам ќе го искористиме што го имаме на располагање. Но јас не само што сум негативно изненаден, туку и длабоко разочаран од односот на една земја членка на Европската унија кон нашите граѓани – изјави Муцунски.

Курир: Турците иселени по Првата светска војна, се враќаат во Македонија, од 2006 до 2026 се доселиле 16.589, но се иселиле пак 1244

„Од 2006 до 2026 година во Македонија се доселени 16.589 лица од Турција,  а во Турција од Македонија се иселени 1.244 наши граѓани. За овие дваесет години Македонија има 15.345 турски државјани  повеќе од 2006-та година.“ – објави „Курир“.
Сите вести од Македонија

Најнови вести

To top