Откако од Општина Кисела Вода соопштија дека за свлекувањето на патот кон Теферич е побарано стручно мислење и анализа од Градежниот факултет при УКИМ, експертска екипа веќе била на терен и направиле увид и записник од пропаднатиот пат кон Теферич и во моментов се подготвува извештај за проценка на ризик од ново свлечиште, дознава Слободен печат
Деканот на Градежниот факултет, Јосиф Јосифовски , вели дека по изготвувањето на извештајот за проценка за ризикот од свлекување на земјиштето, веќе завршуваат обврските на Градежниот факултет и по ова, динамиката на поправањето на патот ќе зависи единствено од општинските служби.