Хроника

Без возачка, без мотор и без автомобил: Кавадарчанец санкциониран двапати во еден ден

Кавадарчанец без возачка приведен напладне, па повторно вечерта

1 минута за читање

Кавадарчанец бил двапати приведен во ист ден, откако прво бил затекнат како вози мопед без возачка, а откако бил пуштен бил фатен како управува возило.

Првиот инцидент се случил околу 12:30 часот на улицата Дисанска во Кавадарци, кога полициска патрола запрела мопед со локални регистарски ознаки. При контролата било утврдено дека 34-годишниот возач не положил возачки испит. По насоки на јавен обвинител, тој бил приведен во полициска станица, а мопедот бил одземен.

Само неколку часа подоцна, околу 20:10 часот на улицата Љубљанска, полицијата повторно го затекнала истиот маж – овојпат зад волан на патничко возило „фолксваген голф“. И во овој случај било утврдено дека управува без возачка дозвола.

Возачот повторно бил лишен од слобода, а возилото било привремено одземено. По целосното расчистување на случајот против него ќе бидат поднесени соодветни пријави.

Од полицијата предупредуваат дека контролите продолжуваат и апелираат граѓаните да не седнуваат зад волан без положен возачки испит, бидејќи со тоа ја загрозуваат безбедноста во сообраќајот.

Поврзани теми:

мвр|автомобил|полиција|мотор|кола|возачка дозвола|Кавадарчанец

Повеќе на оваа тема:

Најнови вести од: Хроника

Полицијата го лиши од слобода Г.Р. (24) од Преглово, Кичевско, оти ги нападнал со нож Н.Ш. (20) и Д.Ш. пред угостителски објект во Кичево

Двајца жители на Кичево биле нападнати со нож пред угостителски објект на улицата „Рудничка“ во Кичево, а полицијата го привела осомничениот напаѓач.

МВР за шокантниот случај: 15-годишниот гостиварец цела година ја вознемирувал 13-годишната сестра, а пред 3 месеци ја силувал

Јавен обвинител од Основното јавно обвинителство Гостивар поднесе барање за подготвителна постапка и предлог за притвор за 14-годишно дете, поради основано сомневање дека извршило продолжено кривично дело родосквернавење.

Затвор од 8 години доби Штекли, а со другите тројца од групата вкупно 26 години и 10 месеци, кои заедно продаваа низ Скопје еден грам кокаин за 100 евра!

Со пресуда на основниот суд во Скопје Раде Трајковски Штекли доби затворска казна од 8 години, а останатите тројца членови на организираната група, која се занимавала со незаконска трговија со дрога, добија тројца по 5 години и еден доби затвор од 3 години и 10 месеци. На Штекли и неговата група им се судеше безмалку една година.

Газдата на изгорениот „Пулс“ Деко нема да оди во куќен притвор, поради негативното мислење на Обвинителството за таквото барање

Одбраната на првообвинетиот за пожарот во Кочани, сопственикот на изгорената дискотека „Пулс“, Дејан Јованов-Деко, пред почетокот на денешното рочиште за пожарот во судницата во „Идризово“ до судот достави дополнителна медицинска документација за нарушената здравствена состојба и побара замена на притворот со куќен притвор. На ваквото барање од одбраната со негодување реагираа родителите на жртвите, кои го следат процесот во судницата. Барање за куќен притвор поднесоа и други обвинети за пожарот во „Пулс“.

Доживотен затвор за Денис Асанов (74) за чудовишното убиство на Борјанка Николова (79) од Штип, на која и ги отсекол главата и нозете, а телото го распарчил

Асанов ја убил Николова и со остар предмет, ѝ ги отсекол главата и нозете, а трупот со рацете го закопал во дворот на неговата куќа, додека главата и нозете ги фрлил на непознато место

Акција на МВР околу незаконскиот интернет-пазар „OLVX“ во тетовска Голема Речица – ФБИ од САД вклучени во случајот

Секторот за компјутерски криминал при Министерството за внатрешни работи, постапувајќи по првично добиени информации од ФБИ, спроведе заедничка координирана истрага поврзана со нелегален онлајн пазар познат како „OLVX“. Секторот за компјутерски криминал продолжува со преземање мерки и активности за целосно расчистување на случајот, заради идентификација на сите вмешани лица и обезбедување релевантни докази, согласно со важечките законски прописи.
Сите вести од Хроника

Најнови вести

To top