Бизнис

Ученици од „Партенија Зографски“ во посета на БРАКО – се запознаа со роботско производство и технологии

Станува збор за девет ученици од образовните профили машински техничар и бравар/заварувач, кои имаа можност одблиску да се запознаат со современите индустриски процеси и технологии што се применуваат во компанијата

Ученици од државното средно стручно училиште „Партенија Зографски”, наменето за деца со посебни образовни потреби, беа во едукативна посета на производствените капацитети на БРАКО.

Станува збор за девет ученици од образовните профили машински техничар и бравар/заварувач, кои имаа можност одблиску да се запознаат со современите индустриски процеси и технологии што се применуваат во компанијата.

За време на посетата тие го разгледаа процесот на производство на возилата за урбано чистење од брендот Green Machines, каде се произведуваат возила на водороден, електричен и касичен погон, како и секторот за тешки метални конструкции. Посебен интерес кај учениците предизвикаа монтирањето на возилата и роботизираните системи за заварување.

Фото: Феро Инвест
Фото: Феро Инвест

Учениците покажаа голем интерес за техничките процеси, поставуваа прашања за функционирањето на возилата за чистење, за работата на дилерската мрежа, како и за начинот на кој роботите учествуваат во процесите на заварување.

Фото: Феро Инвест

Низ производните погони учениците ги водеа инженерите Благој Филџанов и Никола Богдановски, као и инженер Мирјана Ковачева Најдова, одговорна за безбедност и здравје при работа во БРАКО. Во придружба на учениците беа директорката на училиштето и двајца професори.

Државниот училишен центар „Партенија Зографски” од Скопје е средно стручно училиште кое обезбедува образование, рехабилитација и професионално оспособување на ученици со оштетен слух од целата држава.

Најнови вести од: Бизнис

Европската бизнис-асоцијација ги поврза студентите со бизнис-приказните – Глобална недела на претприемништвото

Студенти од економските факултети при УКИМ, УГД и ЈИЕУ имаа можност да разговараат со претставници на компании од различни сектори за препознавањето на потребите на пазарот, започнувањето сопствен бизнис и вештините потребни за негов развој.

(Фото): Николоски во Виена повика на регионална соработка и поврзување

Зборувајќи на панел дискусијата “Заедничка визија за долгорочна економска соработка” вицепремиерот Николоски потенцира дека е потребен заеднички пристап на земјите од регионот за претставување на глобалниот пазар.

„Со свои раце, создадено со љубов“: 17. издание на Фестивалот на младо вино на „Тиквеш“ ги обедини луѓето и винската традиција

Фестивалот е и многу повеќе од прослава на младото вино, тој е прослава на луѓето, заедништвото, љубовта и вербата во иднината. Токму тие вредности се во сржта на филозофијата на „Тиквеш“, компанија која ја надградува својата богата традиција со знаење, иновации и современи пристапи, останувајќи посветена на создавањето вина и искуства што ги поврзуваат луѓето.

Најнови вести

To top