Спорт

Македонија против Данска пред 38.000 гледачи на распродадениот „Паркен“

Во мундијалскиот бараж во Копенхаген в четврток „црвено-жолтите“ ќе имаат поддршка од околу 1.000 македонски навивачи

Фудбалската репрезентација на Македонија ќе ја очекува пеколна атмосфера во баражот со Данска в четврток од 20:45 часот во Копенхаген за Светското првенство 2026, откако Данската фудбалска федерција обајви дека се продадени сите влезници за стадионот „Паркен“, со капацитет од 38.190 места за седење.

Од нив околу 1.000 ќе навиваат за „црвено-жолтите“, за кои ова ќе биде трет бараж-дуел по триумфот над Италија од 1:0 во Палермо и поразот од Португалија со 2:0 во Порто во разигрувањето за пласман на последниот мундијал во Катар.

Подобриот од мечот во Копенхаген на 31 март ќе ги одмери силите со победникот меѓу Чешка и Република Ирска.

Избраниците на селекторот Гоце Седлоски во данската престолнина ќе отпатуваат утре со чартер-лет.

Македонија има нерешен скор во меѓусебните дуели со Данска, и тоа реми 1:1 во Скопје и пораз од 1:0 во Копенхаген во квалификациите за СП 1995, како и победа од 3:0 во пријателската средба во 2013 година во Скопје.

 

 

 

Најнови вести од: Спорт

Во продажба билетите за Суперкупот со четири шпански гиганти: Фудбалскиот спектакл на Шпанија пристигнува во Истанбул

Суперкупот на Шпанија 2027 во Истанбул се организира во соработка со Министерството за култура и туризам и Министерството за млади и спорт на Турција, Генералната управа за забава на Кралството Саудиска Арабија, Кралската шпанска фудбалска федерација, Турската фудбалска федерација, компанијата за организација на настани Sela Events и турската агенција за комуникации и маркетинг Hezarfen Ajans.

Најнови вести

To top