Македонија

Сиљановска – Давкова: Граѓаните имаат јасен став, околу 80 отсто не сакаат да се менува Уставот! Во добрососедскиот договор со Бугарија нема ниеден збор за уставни промени!

„Во Македонија граѓаните имаат јасен став, околу 80 отсто не сакаат да се менува Уставот, но речиси 70 отсто се за членство во Европската Унија. Ова создава тешка дилема за политичарите: како да се усогласи волјата на народот со меѓународните обврски.“ – истакна претседателката Гордана Сиљановска – Давкова на предавањето на тема „За парадоксите на македонските евроинтеграции“ на Правниот факултет во Загреб.

2 минути за читање

Македонската претседателка посочи дека историјата покажува оти земјата знае да прави тешки, но важни чекори и дека Македонија е единствената држава што го смени своето име. Таа нагласи дека во дипломатските односи често се посочува оти договорите треба да се почитуваат, но тоа не значи дека секој договор може да наметне промена на Уставот.

Сиљановска-Давкова додаде дека според власта договорите треба да се почитуваат во духот на соработката, без да се кршат домашните правила. Таа истакна дека во договорот за добрососедство со Бугарија од 2017 година нема ниту еден збор за уставни измени, потенцирајќи дека таквите прашања не може да се воведуваат преку протоколи договорени меѓу министри, без ратификација во парламент.

„Не може двајца министри за надворешни работи во улога на конзули да менуваат договор. Тоа е спротивно на правните принципи.“ – истакна таа, додавајќи дека не ѝ е јасно како вакви одредби станале дел од преговарачката рамка со ЕУ.

Според претседателката, постои опасност преку протоколите да се отвораат нови прашања, кои не се поврзани со Копенхагенските критериуми, туку претставуваат мешање во внатрешните работи на државата.

Поради ова, како што рече Сиљановска-Давкова, експертите, вклучително и Венецијанската Комисија, велат дека земјата треба да најде рамнотежа меѓу почитувањето на домашните институции и меѓународните очекувања.

Поврзани теми:

претседателка на Македонија|добрососедскиот договор со Бугарија не содржи уставни промени|топ|актуелно|Гордана Сиљановска-Давкова

Повеќе на оваа тема:

Најнови вести од: Македонија

ЕУ презеде мерки да ја принуди Бугарија да го намали прекумерниот долг

Бугарија се соочува со казнена постапка од ЕУ поради прекумерен нов долг, соопштија денеска властите во Брисел. Советот на Европската унија – телото што ги претставува владите на земјите-членки на ЕУ – ја следеше препораката на Европската комисија од јуни за започнување на постапката. Целта на „постапката за прекумерен дефицит“-ЕДП (EDP) е да ги доведе […]

Мицкоски: Парламентарното мнозинство на коалицијата „Твоја Македонија”, предводена од ВМРО-ДПМНЕ, се зголемува на 59 пратеници!

Денес направивме уште еден значаен чекор во насока на зацврстување на парламентарното мнозинство и обезбедување политичка стабилност, како неопходен предуслов за продолжување на реформите, реализација на проектите и исполнување на обврските што ги презедовме пред граѓаните. Верувам дека токму така се гради силна држава – кога политиката не создава нови поделби, туку нови партнерства; кога не се бројат разликите, туку заедничките цели; и кога сите што искрено сакаат да допринесат за напредокот имаат место во заедничкиот пат кон подобра иднина. Продолжуваме посветено, одговорно и со уште поголема енергија. Граѓаните очекуваат резултати, а наша должност е секој ден да ја оправдуваме нивната доверба со работа, реформи и исполнети ветувања, информира премиерот и лидер на ВМРО-ДПМНЕ Христијан Мицкоски.

Драма денес во авионот на „Рајанер“ над Македонија за малку ќе се претвореше во трагедија: патници држеа Србин (61) да не излета низ скршениот прозорец на авионот!

Патник (61) од Србија е повреден во денешниот инцидент на авион на „Рајанер“, кој присилно се врати на аеродромот во Солун по откриен дефект на моторот во текот на летот над Македонија. Грчките медиуми објавија дека тој бил спасен од безбедносниот појас и од другите патници, кои го држеле и го влечеле, за да не излета од авионот низ скршениот прозорец!

„Н.М.“: Брисел зборува за „прва и втора ЕУ-лига“, а Трамп ја смести Европа во трета лига!

„Кога американскиот претседател Доналд Трамп деновиве напиша дека ‘Европа станува земја од Третиот Свет’ не употреби само навредлива политичка квалификација. Во јавниот говор денес ‘Трет Свет’ најчесто се користи како синоним за сиромаштија, хаос, криминал, корупција, неразвиеност и нефункционални институции. Со текот на времето, поимот почна да означува не политичка припадност, туку степен на развој. Европа во неговата порака претставува пример што, според него, САД треба да го избегнат.“ – се нагласува во анализата со наслов „Брисел зборува за ‘прва и втора ЕУ-лига’, Трамп ја смести Европа во трета лига“, која ја објави весникот „Нова Македонија“.

Стојаноски: Ќе прифатиме сè што ќе договорат опозициските партии, ако остане гласањето на дијаспората

Стојаноски денеска ја повика опозицијата да постигне договор за измените на Изборниот законик, нагласувајќи дека владејачкото мнозинство ќе ја поддржи секоја варијанта што ќе ја усогласат опозициските партии
Сите вести од Македонија

Најнови вести

To top