Македонија

АВМУ го искара Филипче за изјавата за медиумите

Апсолутно недозволиво е носител на јавна функција да користи дискредитирачка реторика која придонесува кон поларизација во медиумскиот простор и може да ја наруши довербата на јавноста во медиумите“, наведуваат од Агенцијата

1 минута за читање

Агенција за аудио и аудиовизуелни медиумски услуги изрази загриженост по изјавата на претседателот на СДСМ, Венко Филипче, во која беа изнесени обвинувања за наводна политичка и финансиска зависност на ТВ Алфа.

Од АВМУ посочуваат дека јавното етикетирање и инструментализација на медиумите во политички конфронтации не е во согласност со демократските принципи, ниту со гарантираната слобода на изразување.

„Апсолутно е недозволиво носител на јавна функција да користи дискредитирачка реторика која придонесува кон поларизација во медиумскиот простор и може да ја наруши довербата на јавноста во медиумите“, наведуваат од Агенцијата.

Во реакцијата се нагласува дека доколку постојат сомнежи за евентуални незаконитости или нерегуларности во работењето на медиумите, наместо преку јавни обвинувања или политички квалификации тие треба да се изнесат пред надлежните институции за понатамошно постапување.

Од Агенцијата за аудио и аудиовизуелни медиумски услуги ги повикуваат сите политички субјекти да се придржуваат кон одговорна и конструктивна комуникација и да се воздржат од изјави кои можат да ја нарушат довербата во медиумите или да создадат притисок врз нивното работење.

Поврзани теми:

медиуми|актуелно|Филипче|СДСМ|ТВ Алфа

Повеќе на оваа тема:

Најнови вести од: Македонија

Со законски измени пензионирани лекари ќе можат да работат до 70 години, бидејќи здравствениот систем нема доволно кадри!

Министерот за здравство Азир Алиу при посетата на Општата болница со проширена дејност во Дебар најави законски измени со кои пензионираните лекари и медицински сестри ќе можат да продолжат со работа до 70-годишна возраст. Тој истакна дека здравствениот систем се соочува со недостиг на кадар, особено лекари и медицински сестри, поради што искуството на пензионираните здравствени работници е од големо значење.

Пијаниот полицаец Д.М. возел двојно побрзо од ограничувањето, а имал забрана за возење! – Упатен на задолжителен психијатриски преглед!

Полицаец што на граничниот премин „Меџитлија“, бил фатен на почетоков на месецов во Битола, како, иако имал забрана за возење, бил фатен зад волан во Битола. Бил сопрен оти возел двапати побргу од ограничувањето – а притоа бил пијан! Внатрешна контрола поднела предлог за поведување постапка за утврдување на дисциплинска одговорност и изрекла задолжителни мерки одземање на службеното оружје и муниција и упатување на задолжителен психијатриски и психолошки преглед

Кривични пријави против В.Р. (56), З.П. (61) и А.А. (60), од Вевчани, поради злоупотреби со сеча на дрва – ги оштетиле „Национални шуми“ и државниот буџет за околу 4500 евра

Од МВР информираат дека Надворешната канцеларија за криминалистички работи Струга поднела кривична пријава против В.Р. (56), З.П. (61) и А.А. (60), сите од општина Вевчани, поради сомнение за сторени кривични дела „злоупотреба на службена положба и овластување“ и „несовесно работење во службата“.

Мицкоски за писмата на Филипче до ЕУ, „кој е сериозно загрижен за уставниот поредок“: Секој има право да праќа писма, но моите чувства за прогон сè се посилни!

„Секој има право да си се допишува и да праќа писма, но моите чувства се сѐ посилни!“ – , рече премиерот Христијан Мицкоски во одговор на новинарско прашање за став на информацијата дека лидерот на СДСМ Венко Филипче испратил писма до сите официјални институции во ЕУ, но и до сите амбасадори во земјава по изјавата на премиерот дека „има чувство оти можеби ќе има прогон на поранешни функциониери од сегашната опозиција“.

ИНА: По пронајдена марихуана и кокаин, подготвени за продажба, лишен од слобода синот (16) на ексградоначалничката на Тетово Теута Арифи и на судија на Врховен суд! (ВИДЕО)

„Вчеравечер е изведена изненадувачка полициска акција во куќата на поранешната градоначалничка на Тетово Теута Арифи. Во доцните вечерни часови полициските сили отидоа во куќата на Арифи по низа сомневања поврзани со нејзиниот малолетен, 16-годишен син, осомничен за продажба на наркотични средства, дрога. Според информациите, синот на Теута Арифи бил придружуван во полиција, исто така од еден од неговите родители, актуелен судија во Врховниот суд.“ ова го објави „Алмакос“, пренесувајќи ја веста на информативната агенција Илирија-ИНА.

Зелените компетенции влегуваат во угостителството – од професионалната кујна до училницата

Во време кога одржливоста повеќе не е избор, туку потреба, HoReCa секторот се наоѓа на пресвртница. Еразмус+ проектот „Зелената иднина на HoReCa“ има за цел да ги поддржи професионалците и едукаторите во оваа трансформација – од намалување на отпадот и повисока енергетска ефикасност, до градење нова култура на одговорно лидерство.
Сите вести од Македонија

Најнови вести

To top