„Потпретседателот на ДУИ Бујар Османи е во дводневна работна посета на Брисел, каде што ќе оствари серија средби со претставници на Европската комисија, Службата за надворешни работи на ЕУ, како и со европратеници. Според најавата, во центарот на вниманието на овие средби ќе бидат прашања поврзани со европската перспектива на земјата, забрзувањето на евроинтеграцијата и актуелните политички предизвици.“ – објави информативната агенција на албански јазик Илирија-ИНА.
Во информацијата агенцијата наведува: Се очекува посебна нагласка да се стави и на неодамнешните случувања во земјата: „влошувањето на меѓуетничките односи и загриженоста поради кршењето на фундаменталните принципи на Охридскиот договор“.
Посетата на Османи на Брисел доаѓа во чувствителен политички период, кога европската интеграција и меѓуетничката стабилност остануваат меѓу главните приоритети за иднината на земјата, посочува ИНА.
