Полицијата ја бара локацијата и лицето кое го чувало волкот заловен пред неколку дена во скопската населбата Козле.
Министерството за внатрешни работи вели дека полицијата презема мерки за утврдување на локацијата и идентитетот на лицето кое го чувало животното во заробеништво.
Според прописите, чувањето диви животни без соодветна дозвола може да резултира со сериозни казни, кои во одредени случаи можат да достигнат и до 20.000 евра.
Законот за заштита на природата јасно наведува дека чувањето и размножувањето на диви животински видови во несоодветни услови и без соодветни одобренија е забрането.
Скопската зоолошка градина информираше дека станува збор за млад волк, кој е неухранет и тежи само 25 килограми.