Натаму агенцијата ја пренесува целосната објава на Елиса Спиропали: „Во С.Македонија, албанските студенти протестираа за албанскиот јазик. Само овој факт е доволно сериозен за да се разбере дека проблемот не е процедурален, туку длабоко политички, институционален и морален. Вчерашниот протест покажа дека понекогаш државата открива нерешени прашања не во салите на парламентот или во политичките изјави, туку на улиците. Ги открива во лицата на студентите. На начинот на кој еден млад човек е принуден да протестира за нешто што во Европа требаше да се реши одамна. Проблемот не е само испит по албански јазик. Проблемот е многу подлабок. Станува збор за фактот дека еднаквоста на Албанците сè уште се третира како политички компромис, а не како уставна основа на државата. Јазикот не е административен превод. Тоа е достоинство, меморија и идентитет. Тоа е начинот на кој еден народ ја преживува историјата, времето и секој обид за бледнеење или асимилација.“
„И кога студентите се принудени да излезат на улица за да бараат право да учат, да бидат тестирани и да живеат на свој јазик, тогаш проблемот не е во студентите. Проблемот е во политиката која сè уште не ја прифатила целосно еднаквоста како фундаментална вредност на државата. Албанците во С Македонија не бараат привилегии. Тие бараат она што требаше да се реши пред многу години и за кое во овој век повеќе не треба да се дискутира. Албанците како политичка етничка група, албанскиот јазик и колективните права мора да бидат јасно, цврсто и недвосмислено дефинирани во Уставот на државата, бидејќи Албанците не се толерирано малцинство, туку еден од државотворните столбови на самата С.Македонија. Овие прашања не можат да се држат во неизвесност преку политички толкувања или закони што се менуваат според климата на моќта. Тие мора да бидат уставни и демократски стандарди, во согласност со духот на Охридскиот договор и со самите европски стандарди, кои толку често се повторуваат.“
„Во овој момент е потребна повеќе мудрост, повеќе дијалог и повеќе визија. Потребна е доверба дека еднаквоста не ја ослабува државата, туку ја зајакнува. Дека почитувањето на јазикот, достоинството и идентитетот на Албанците не е закана за никого, туку гаранција за подемократска, постабилна и поевропска С. Македонија. Затоа што на крајот на краиштата, албанскиот јазик е дел од нашата душа. И никој не може да бара од еден народ да молчи на својот јазик.“ – изнесува претседателката на албанскиот парламент Елиса Спиропали во својата објава, која ја пренесува Илирија-ИНА од Скопје.