Македонија

(Фото): Цела недела нестабилно време со пороен дожд и грмежи

Македонија влегува во период на променливо и нестабилно време, со сончеви паузи, но и со пороен дожд, грмежи и засилен ветер. Според временската најава на УХМР, локално процесите може да бидат поинтензивни, со пообилен пороен дожд од над 20 литри на квадратен метар, грмежи и силен ветер над 60 километри на час. Нестабилноста ќе се прошири на повеќе места кон петок и за време на викендот.

1 минута за читање

Не чека цела недела нестабилно време со пороен дожд и грмежи. Во западните и централните делови од земјата денеска има врнежи од пороен дожд и ретки грмежи, а облачната маса се движи од југ кон север, се вели во краткото соопштение од Управата за хидрометеоролошки работи (УХМР) Оттаму најавуваат дека периодот на нестабилност ќе трае и за време на претстојниот продолжен викенд.

Во наредните денови ќе преовладува променливо облачно време со сончеви периоди во текот на денот, а кое ќе биде проследено со умерен до засилен северен ветер кој на моменти ќе достигнува брзина од над 50 километри на час.

Според прогнозата од Управата за хидрометеоролошки работи (УХМР), во четврток се очекува изолирана појава на нестабилност со пороен дожд и грмежи. Во петок и во деновите од викендот нестабилноста ќе се прошири на повеќе места. Се очекуваат пообилни врнежи, грмежи и засилен ветер.

  • „Локално процесите ќе бидат поинтензивни во форма на невреме. Се очекуваат над 20 литри на квадратен метар дожд, грмежи и силен ветер со брзина над 60 километри на час“, велат од УХМР.

Инаку, денеска во 11 часот најниската температура од три степени е измерена на Попова Шапка, а најтопло било во Гевгелија, каде се измерени 22 степени.

Поврзани теми:

викенд|УХМР|врнежи|топ|Македонија|време|дожд

Повеќе на оваа тема:

Најнови вести од: Македонија

Трифуновски: Органодарителството како најтешка одлука, остава најсилна светлина позади себе

Д-р Александар Трифуновски, хирург-уролог и член на тимот за трансплантација, во рамки на националната кампања што се реализира под мотото „Органодарителството ѝ дава највисока смисла на човечноста!“, апелира за унапредување на органодарителството

Јаневска: Нема намалување на бројот на студентски стипендии, СДСМ манипулира со јавноста

Министерката ги демантираше и тврдењата дека ќе се зголеми партиципацијата за сместување во студентските домови, нагласувајќи дека тоа не е предвидено во законските измени. Таа најави и ново законско решение со кое државата ќе ги преземе платите на вработените во студентските домови, со цел да се намали финансискиот товар врз студентите.

(Фото): Кисела Вода доби современ едукативно терапевтски центар

Градоначалничката на Општина Кисела Вода, Бети Стаменкоска Трајкоска информираше дека во населбата Црниче бил отворен новиот Едукативно-терапевтски центар „Ајнштајн“- современа и специјализирана социјална услуга наменета за индивидуална работа со деца и млади со различни развојни, интелектуални и говорни тешкотии.

(Видео): Студентските стипендии не се намалени, СДСМ манипулира, велат ВМРО-ДПМНЕ

Социјалдемократскиот сојуз продолжува со своите лаги и манипулации. Вака од Унијата на млади сили (УМС) на ВМРО-ДПМНЕ денеска ги искоментираа обвинувањата од Социјалдемократската младина на Македонија дека со предложените измени на Законот за студентски стандард се крати од стипендиите на студентите и се врши промена во критериумите за сместување во студентските домови.

Муцунски: Зајакната е европската перспектива на регионот и потврдена е улогата на AII и EUSAIR како важни платформи за поврзување на ЕУ со земјите кандидати

Со одржувањето на 11-от Форум на Јадранско-јонската иницијатива (AII) и Стратегијата Во текот на претседателството, Македонија работеше под мотото „Зајакнување на регионалното единство, унапредување на европската иднина“, ставајќи посебен акцент на проширувањето на Европската Унија, подобрувањето на регионалната поврзаност и продлабочувањето на соработката меѓу земјите членки на ЕУ и земјите кандидати.на ЕУ за Јадранско-јонскиот регион (EUSAIR), што се одржа во Скопје, Република Македонија успешно го заокружи своето едногодишно претседателство со AII/EUSAIR за периодот 2025–2026 година. 

Најчевска: МНР да ги повика амбасадорите на Албанија и Косово и да им врачи протестна нота, поради мешање во внатрешните работи и поттикнување етничко нетрпение и омраза!

„Нашето МНР треба да ги повика амбасадорите на Албанија и Косово и да им врачи протестна нота заради мешње во внатрешните работи на државата и за поттикнување на етничко нетрпение и омраза. Ајде да го воведеме англискиот јазик како официјален јазик во Македонија и сите нека полагаат правосуден испит на англиски јазик.“ – реагира универзитетската професорка Мирјана Најчевска на својот фејсбук-профил.

Дали претседателката на албанскиот парламент Спиропали се меша во внатрешните работи на суверена Македонија, велејќи „Албанците не се толерирано малцинство, туку еден од нејзините државотворни столбови“?!

„Претседателката на албанскиот парламент, Елиса Спиропали, реагираше по протестот на албанските студенти во С.Македонија, оценувајќи дека самиот факт што младите се принудени да протестираат за правото на употреба на албанскиот јазик докажува дека проблемот не е процедурален, туку политички, институционален и морален. Во својата реакција, Спиропали нагласува дека студентскиот протест ги истакна нерешените прашања кои, според неа, не се појавуваат само во парламентарните дебати или политичките изјави, туку и на улиците, преку гласовите на младите кои бараат почитување на основните права.“ – ова го објави информативната агенција на албански јазик Илирија-ИНА. Оваа агенција го пренесува, покрај другото и ставот на Спиропали, која наведува: „Албанците во С Македонија не бараат привилегии. Тие бараат она што требаше да се реши пред многу години и за кое во овој век повеќе не треба да се дискутира. Албанците како политичка етничка група, албанскиот јазик и колективните права мора да бидат јасно, цврсто и недвосмислено дефинирани во Уставот на државата, бидејќи Албанците не се толерирано малцинство, туку еден од државотворните столбови на самата С.Македонија.“ Со ова се отвора сериозна дилема: дали претседателката на албанскиот парламент се меша свесно во внатрешните работи на суверена Република Македонија, обидувајќи се да ѝ дели „лекции“ за уставно (пре) уредување на македонската држава?!
Сите вести од Македонија

Најнови вести

To top