Македонија

Никотински фластери и гуми за џвакање наскоро достапни со рецепт

Дури 45% проценти од македонското население се активни корисници на тутунски производи, а годишно приближно околу 12 илјади умираат од болести каде пушењето може да биде причина

 

Матичните лекари во иднина ќе можат да препишуваат никотински фластери и мастики како помош при откажување од пушењето.

Надлежните институции најавија координирани активности со цел овие производи да станат подостапни за граѓаните и полесно да се користат во процесот на откажување од тутунот.

Секое осмо македонско дете на 13 годишна возраст е пушач

Од Светската здравствена организација предупредуваат дека зависноста од никотин се повеќе ги погодува младите. Претставникот на СЗО, Аким Али, посочи дека 14 проценти од младите користат тутунски производи, додека околу 9 проценти користат електронски цигари.

Според него, новите никотински производи се дизајнирани да бидат привлечни за младата популација преку модерни пакувања, различни вкусови и агресивен маркетинг.

„Зад впечатливите бои и слатките ароми стои јасна стратегија – создавање долгорочна зависност кај младите“, предупреди Али.

Податоците од Институтот за јавно здравје и СЗО покажуваат дека состојбата во земјава е сериозна. Истражување спроведено во 2023 година покажало дека дури 45,4 проценти од возрасните во Македонија се активни пушачи, додека Европската унија си постави амбициозна цел: до 2040 година помалку од 5 отсто од населението да употребува тутун.

Проблемот не се одразува само врз здравјето на населението, туку и врз економијата. Според проценките на СЗО, употребата на тутун ја чини државата околу 38 милијарди денари годишно преку здравствени трошоци и намалена продуктивност.

Овие информации беа споделени по повод одбележувањето на Светскиот ден без тутун, кога институциите повторно апелираа за поголема свест и мерки против пушењето.

Најнови вести од: Македонија

Николоски од Виена: Реализираме инфраструктурни проекти вредни до 6 милијарди евра

Николоски нагласи и дека на Македонија ѝ се потребни меѓународни пријатели и силни партнерства, додавајќи дека преку ваквите форуми се создаваат можности за нови форми на институционална соработка со европските партнери.

(Фото): Ова е најтешкиот буџет, се враќаат две милијарди евра, ќе има и поголеми плати, најави министерката за финансии

Јавниот долг заклучно со третиот квартал годинава, според податоците од Министерството за финансии, изнесува 10 милијарди 930 милиони евра или 56,6 проценти од БДП. До крајот на годината, во согласност со сегашните проекции, би требало да изнесува 11.250 милиони евра или 58,2 проценти од БДП, а државниот долг да биде 51 процент.

Уставни измени во 2001: Треба да се спречи Македонија и целосно да ја изгуби својата „македонска душа“ како држава! (3)

Ноемвриските уставни амандмани од 2001 година „инсталираа“ „фабрички дефект“ во функционирањето на политичкиот систем преку воведувањето на „консензуалната“, „договорна демократија“, предвидена да ја практикуваат „етничките поглавари“ на Македонците и Албанците. Експертите посочуваат дека таквата „договорна демократија“ ја претвори Македонија во непрогласена „двонационална држава“ со „отворена перспектива“ наместо унитарна држава да стане и „двокантонална федерација“, или можеби и конфедерација. Сегашната претседателка на Република Македонија Гордана Силјановска-Давкова учествувајќи на една научна расправа во МАНУ пред 19 години, тогаш како професорка по уставно право и уставен систем, констатираше дека „во 2001 година врз македонската држава беше спроведен рамковен и уставен инженеринг во режија на меѓународната заедница“. Силјановска-Давкова уште тогаш имаше изнесено предупредување дека е реална заканата „Македонија да стане ‘држава без душа“.

Мицкоски за ужасниот напад врз девојката во Охрид: Жестоко го осудувам ова дивјаштво! – Сѐ ќе сториме сторителот да одговара пред правда!

Премиерот Христијан Мицкоски упати остра осуда за нападот врз младата девојка во Охрид, изразувајќи поддршка до нејзиното семејство, ветувајќи дека институциите ќе сторат сè сторителот да биде изведен пред лицето на правдата.

To top