Двајца државјани на Обединетото Кралство со возило излетале од магистралниот пат Кичево – Охрид, при што сопатничката со тешки повреди била префрлена во болница во Охрид.
„На 10.06.2026 во 17:50 часот во СВР Охрид е пријавено дека на магистралниот пат Кичево – Охрид, патничко возило „ауди“ со скопски регистарски ознаки, управувано од К.У.К. (23) од Обединето Кралство, удрило во метална ограда и излетало од патот. Во несреќата со тешки телесни повреди се здобила неговата 23-годишна сопатничка Б.А. од Обединето Кралство, констатирани во Специјалната болница „Свети Еразмо“ во Охрид. Извршен бил увид од увидна екипа од СВР Охрид“, соопшти Министерството за внатрешни работи.