Бизнис

Охрид од денеска со директна авионска линија до Виена

Воспоставувањето на новата авиолинија се очекува дополнително да придонесе за развојот на туризмот и за подобро поврзување на Охрид и регионот со европските дестинации

1 минута за читање

Од денеска патниците од Охрид и регионот ќе можат директно да патуваат до австриската престолнина, откако официјално започнува со работа новата авиолинија меѓу Охрид и Виена, која ќе ја опслужува авиокомпанијата „Остријан ерлајнс“.

По повод пристигнувањето на првиот лет од Виена, на охридскиот аеродром ќе се одржи прес-конференција, на која ќе се обратат генералниот директор на ТАВ Македонија, Неџат Курт, заменик-шефот на Мисијата во Амбасадата на Австрија во Скопје, Матијас Хуменбергер, како и Штефан Линхарт, виш директор за продажба за Централна и Источна Европа, Израел и Турција во групацијата „Луфтханза“.

Воспоставувањето на новата авиолинија се очекува дополнително да придонесе за развојот на туризмот и за подобро поврзување на Охрид и регионот со европските дестинации.

Со новата линија, патниците ќе имаат можност за директна авионска врска меѓу Охрид и Виена, а преку мрежата на „Луфтханза“ и пристап до голем број светски дестинации.

Поврзани теми:

авиолинија|Охридски аеродром|Охрид Виена

Најнови вести од: Бизнис

Буџетот е во добра кондиција но нема за сѐ, рече министерката за финансии

Буџетот е во добра кондиција и покрај предизвиците. Министерката за финансии Гордана Димитриска Кочоска е задоволна од тоа како се полни државната каса. Солидни резултати имало и кај даноците и кај придонесите.

Соседите профитираат иако рударството им стагнира – Бугарите задоволни од поскапениот бакар, нашиот во Иловица тоне

Рудникот за бакар во Иловица е предвидено да произведува до 16.000 тони годишно, но проектот е во застој. Со прогнозирано активно производство во период до 23 години, овој проект би можел значително да влијае на зголемувањето на македонскиот извоз и врз приходната страна на буџетот.

Се доближуваме до целта – Македонија да стане извозник на струја

Според ВМРО-ДПМНЕ, со новите законски решенија се отвора можност за намалување на цената на електричната енергија за домаќинствата за 5 до 10%, а со преземените мерки за субвенционирање на електричната енергија, директно се заштитува стандардот на граѓаните и се спречуваат ценовни шокови за домаќинствата.
Сите вести од Бизнис

Најнови вести

To top