Владеачката партија ВМРО-ДПМНЕ и нејзиниот лидер и натаму се во убедливо водство во однос на довербата на гласачите, покажува анкета на агенцијата Маркет вижн, по нарачка на порталот МКД.мк.
И кај лидерите на политичките партии последниве години убедлива е предноста на Христијан Мицкоски во однос на останатите.
Изет Меџити и Билал Касами како претседатели на Влен имаат поголем рејтинг од Али Ахмети, лидерот на ДУИ кој е второпласиран и во предност пред претседателот на СДСМ, Венко Филипче кој so 5,1 проценти доверба заостанува речиси пет пати зад популарноста на лидерот на ВМРО-ДПМНЕ и актуелен премиер, Мицскоски, чија популарноист меѓу анкетираните е 23,3 проценти.
Истражувањето беше спроведено во периодот од 10-27 јуни на примерок од 1.200 испитаници, репрезентативен според пол, возраст, етничка припадност, регион и тип на место на живеење согласно податоците од пописот на резидентното население од 2021 година.
Истражувањето е спроведено со методот CATI – Computer assisted telephone interview, односно телефонска анкета на примерок со големина што обезбедува интервал на доверба од 95% и маргина на грешка од +-3%.