Македонија

„Вратата е отворена пошироко отколку кога било“ – порака од Кос

Еврокомесарката во Скопје за европскиот пат на земјата

2 минути за читање

Еврокомесарката за проширување и соседска политика, Марта Кос, оцени дека Северна Македонија е меѓу земјите кои покажале најголем напредок во спроведувањето на Реформската агенда, но порача дека вистинскиот исчекор кон Европската Унија зависи од продолжувањето на пристапниот процес и исполнувањето на преземените обврски.

Во интервју за МИА, во пресрет на нејзината денешна посета на Скопје, Кос истакна дека земјата заслужува признание за реформите, поради што може да очекува и поголема европска финансиска поддршка.

„Северна Македонија постигна силен напредок во рамките на Реформската агенда и сега е меѓу водечките земји во Западен Балкан. Колку повеќе една земја ги исполнува реформите, толку повеќе поддршка добива“, рече Кос.

Таа нагласи дека сега имаме можност која се случува еднаш во генерацијата за проширување на ЕУ и дека оние кои ги исполнуваат обврските напредуваат, а оние кои не ги исполнуваат – заостануваат.

Кос додаде дека Европската Унија треба побрзо да им ги доближува придобивките од членството на земјите кандидати преку постепена интеграција, наведувајќи ги програмите Erasmus+, EU4Health, Digital Europe и приклучувањето кон SEPA како конкретни примери.

Во фокусот на нејзината денешна посета на Скопје ќе бидат средбите со премиерот Христијан Мицкоски и други претставници на Владата, каде ќе се разговара за деблокирањето на пристапниот процес, спроведувањето на Реформската агенда и Планот за раст за Западен Балкан.

Поврзани теми:

влез|актуелно|еу|Марта Кос|реформска агенда

Повеќе на оваа тема:

Најнови вести од: Македонија

Кос задоволна од сработеното на владата: Македонија се наоѓа меѓу најдобрите изведувачи на патот кон ЕУ

Македонија се наоѓа меѓу најдобрите изведувачи, за тоа што е усогласеност со европските стандарди и затоа Македонија се квлификуваше во групата на земји на кој што ќе дадеме дополнителни средства за Планот за раст, и го дискутиравме ова навистина многу, ова не е толку очигледно. Може да дојдете до врвот, затоа што ги испорачувате очекувањата и навистина сум среќна што можам да ве уверам дека вашата земја се наоѓа токму во таа група, истакна на денешната заедничка прес конференција со премиерот Христијан Мицкоски еврокомесарката за проширување Марта Кос.

Котлар: Ракувањето на македонскиот народ со историјата често е исполнето со крв, со бури Самоилови, Карпошови, илинденски, партизански, АСНОМ-ски, со негирања!

„Чекајќи ја Марта од ’Европа’ еве исечок од една хроника на охрабрување: која е мерката за големината на еден народ, или на една држава? Дали е тоа територијата, нејзината површина, дали е бројноста на населението, дали е природното богатство или е освоеното, крваво богатство?! Дали големината е само во материјалната и во физичката претстава? А што е со духовната, културната вредност, или со сонцељубивите изрази на еден народ, или на држава?! Еве да го земам за пример мојот народ, македонскиот, кој не е многуброен, но е неизбројан! А, сепак тој е простодушно верен на исконската опстојба и вознес кон историската вертикала од библиски приказни, древност, средновековие и нововековие, па сè до совремието.“ – пишува универзитетската професорка од Институтот за историја д-р Наташа Котлар на својот фејсбук – профил во објавата насловена како „Модерни (ЕУ) народи!“

Судењето против ВМРО (об) од 8-21.1936 во Софија, поради искажувањето македонска свест, дека Македонците се посебен народ, а не Бугари

На денешен ден, на 8 јули 1936 година во Софија започнал првиот судски процес во Бугарија, поради искажување македонска национална свест: судењето против раководителите и членовите на ВМРО (обединета) се одвивало од 8 до 21 јули 1936 година. Тие биле обвинети врз основа на Законот за заштита на државата дека се залагале за насилна промена на власта, но и поради нивниот цврст став дека Македонците не се дел од бугарскиот народ, туку одделна нација. Во текот на судењето обвинетите се изјаснувале како Македонци и ВМРО (обединета) ја претставиле како македонска национална и ослободителна организација. Забраната и судските процеси против организации што пројавуваат македонска национална свест не е новина во бугарското општество. Тоа го покажуваат историските документи и сведоштва.Ова се нагласува во статијата „Првиот судски процес против пројавувањето македонска национална свест“ на весникот „Нова Македонија“.

Манасиевски: СДС, Левица и ДУИ прво се договараат за Изборниот закон, а потоа го блокираат, иако бил договорен!

„СДС, Левица и ДУИ прво нека се договорат меѓу себе што сакаат од Изборниот законик, а ВМРО-ДПМНЕ ќе прифати сѐ што ќе побараат, само дијаспората да гласа по електронски пат, или по пошта.“ – нагласи портпаролот на ВМРО ДПМНЕ Валентин Манасиевски.
Сите вести од Македонија

Најнови вести

To top