Регион

Вучиќ за блокираните преговори со ЕУ: Секому е јасно и за Хрватите, и за Бугарите

По Македонија, и во Србија почнаа да ја посочуваат Бугарија како пречка на евроинтегративниот пат

1 минута за читање

По Македонија, и во Србија почнаа да се жалат на Бугарија како пречка за евроинтеграцијата, откако Софија им се придружи на уште седум земји-членки на Европската унија, кои на состанокот на постојаните претставници (КОРЕПЕР) не дадоа зелено светло за отворање на Кластерот 3 од преговорите со северниот сосед на Македонија.

„Што се однесува до поединечните земји-членки, исто така нема да коментирам. На сите им е јасно и за Хрватите, и за Бугарите, и за сите други. Важно е дека Французите, Германците, Италијанците, Шпанците и многу, многу други наши пријатели, од Грците до Португалците, Унгарците, Романците, Полјаците, се решително и несомнено за отворање на Кластер 3 и за напредокот на Србија“, изјави српскиот претседател Александар Вучиќ за тамошната ТВ Пинк. „Клучниот услов се секогаш, знаете, санкциите против Русија“.

На прашањето дали Србија би влегла во ЕУ ако воведе санкции кон Русија и Белорусија, Вучиќ нагласи дека нема, бидејќи тогаш би го отвориле прашањето за Косово и Метохија“.

„Секогаш ќе има нешто друго“, нагласи шефот на српската држава.

 

Поврзани теми:

избор|еу|Србија|Александар Вучиќ|ТВ Пинк

Повеќе на оваа тема:

Најнови вести од: Регион

Во Драч уапсени двајца припадници на криминалната група „Беланоца“, барани со меѓународни потерница за убиства и други сторени кривични дела

Во заедничка акција на Македонската полиција, Американската ДСС и безбедносните органи на Албанија, во Драч уапсени се двајца припадници на организираната криминална група „Беланоца“.

Тајани: Силата на Европа зависи од влезот на Западниот Балкан во ЕУ, затоа Италија ја претставува неформалната група „Пријатели на Западен Балкан“

Политичката сила на нашиот континент во наредните децении ќе зависи од влезот на земјите од Западен Балкан во Европската Унија, порачува италијанскиот вицепремиер и министер за надворешни работи и меѓународна соработка на Италија Антонио Тајани, во својата најнова колумна. Според него, многу кратковидо и погубно е да се одложува пристапувањето на земјите од Западниот Балкан кон ЕУ Затоа Италија ја промовира неформалната група „Пријатели на Западен Балкан“, која ги обединува земјите-членки кои се најрешителни да го задржат европското внимание кон овој регион на високо ниво, истакнува Тајани.

Во Љубљана протест за излегување на Словенија од НАТО

Демонстрантите носеа транспаренти на кои пишуваше „Израелхел“ (Israhell), кованица од англиските зборови Израел и пекол, „НАТО = мочуриште“ и „Повеќе не сакаме да сме робови на НАТО“ и апели за воведување санкции за САД и за Израел

Млади стрип-таленти ја претставуваат Македонија на меѓународниот фестивал „Инкубатор“ во Јошаничка Бања

Под покровителство на групацијата „СТРИП ЦЕНТАР-СТРИПОТ МОЖЕ“, Ангела Петрушевска, Јасмина Јовчевска и Андреј Јовановски ќе творат рамо до рамо со врвни балкански и светски мајстори на деветтата уметност.
Сите вести од Регион

Најнови вести

To top