Според полициските информации, лицето исчезнало на 6 август, односно пред 6 дена.
„На 11.08.2026 во СВР Скопје е пријавен за исчезнат Љ.С.(52), кој според пријавителот исчезнал на 06.08.2026. Се преземаат мерки за пронаоѓање на лицето“, соопшти МВР.
Паралелно со полициската потрага, на социјалните мрежи масовно се споделува апел за негово пронаоѓање. Во објавите се наведува дека последен пат бил виден во скопската населба Ново Лисиче, а семејството и блиските бараат помош од граѓаните кои можеби го виделе или располагаат со информација за неговото движење.
Апелот во текот на денот го споделија повеќе граѓани и јавни личности, со повик информациите што би можеле да помогнат што побрзо да стигнат до семејството и надлежните институции.
Од МВР засега не соопштуваат дополнителни околности за исчезнувањето, освен дека се преземаат мерки за пронаоѓање на 52-годишникот.