Венко Филипче и СДСМ напаѓаат сè што е добро за државата, секоја идеја, секој проект, иста е ситуацијата и со дата центрите, ширењето на лаги и хистерија не изостанува, вели Миле Лефков, член на ИК и пратеник на ВМРО-ДПМНЕ.
– Идејата за развој на овој вид на индустрија ја напаѓаат со некои работи кои датираат од пред повеќе од една декада. Сега Македонија е пазарна економија и јасен е начинот на постигнување на цената на струјата и кој ја плаќа истата. Исто така, сега има низа на начини за ладење на водата, кои зависат од тоа за што се наменети дата центрите. Значи, по овие прашања СДСМ само шири паника во јавноста – рече Лефков.
Очигледно е дека СДСМ се против сè што е корисно за напредокот на државата или тие се против Македонија, додаде тој.
– Од она што го гледавме во време на нивното владеење тие знаат само за развој на марихуана Македонија, за разлика од нив, ВМРО-ДПМНЕ развива индустрии како онаа со дата центрите, кои се иднината на Македонија. Иако е релативно нова, ова сепак е развиена индустрија во светот. Ова кажува се какви се намерите на СДСМ, а какви се на ВМРО-ДПМНЕ. Притоа јасно е дека при развојот на оваа индустрија Владата нема да дозволи тој развој да влијае на квалитетот на живот на граѓаните во негативна смисла, туку сосема спротивно – рече пратеникот Лефков.