Каратистот Матеј Белистојаноски ѝ го донесе на Македонија првиот златен медал на 20. Медитерански игри во Таранто, откако во финалето од категоријата до 67 килограми го декласира Хрватот Боран Берак со 6-0.
Претходно, европскиот шампион до 21 година беше убедлив и против Мустафа Алмасалмех од Сирија со 6-1 на стартот, Лука Мареска од Италија со 2-0 во четвртфиналето и Јоргос Балиотис од Грција со 5-1 во полуфиналето.
Златото на Белистојаноски е шести медал за Македонија на овие Игри, покрај двете сребра и трите бронзи, со кои таа се искачи на 18. место на листата на медали меѓу 24 земји што освоија барем еден од вкупно 38, колку што се натпреваруваат во Италија.
Белистојаноски на победничкиот пиедестал во Таранто во видеото: e774b63b-2e74-476f-a232-3f5f9db68a90