Шеесет и деветгодишен државјанин на Грција бил пронајден починат во скопското село Ново Село, во општина Ѓорче Петров, додека бил на лов со пријатели, соопшти Министерството за внатрешни работи.
Случајот бил пријавен во СВР Скопје на 11 октомври, во 17:40 часот.
Лекар од Итната медицинска помош излегол на местото и констатирал смрт, без видливи траги на насилство.
По насоки на јавен обвинител, телото на починатиот Е.П. било предадено на обдукција за утврдување на причините за смртта.
Увид на местото извршила екипа на СВР Скопје, а пушката што ја носел починатиот била подигната за понатамошна постапка.