Скопје нема причина да се жали до европските институции за „враќањето“ на Ива Михаилова, коментира бугарскиот европратеник Андреј Ковачев, според кој случајот треба да се смета целосно како хуманитарен.
„Тукушто ја информирав за ситуацијата претседателката на Европската комисија, Урсула фон дер Лајен, на состанокот на ЕНП што започнува во Италија и сметам дека Скопје нема за што да се жали од Бугарија. Што точно направила Бугарија што е проблематично? Апсолутно ништо. Ние, се разбира, го поставивме хуманитарното прашање со Ива Михајлова на сите нивоа“, изјави Ковачев за Бугарската национална телевизија (БНТ).