Студенти по медицина и биомедицински науки, професори, лекари и истражувачи од земјава и странство ќе учествуваат на четвртиот Меѓународен конгрес на Факултетското студентско собрание (4th ICOF), кој ќе се одржи од денеска до 18 октомври во Скопје.
Конгресот е во организација на Факултетското студентско собрание при Медицинскиот факултет на Универзитетот „Св. Кирил и Методиј“, а годинашното издание се одржува под мотото „…AND BEYOND“, со цел да поттикне научна размена, практично учење, меѓународна соработка и унапредување на медицинското образование.
На отворањето на конгресот ќе се обрати министерката за образование и наука Весна Јаневска
Програмата вклучува предавања од домашни и меѓународни професори, интерактивни панели, научни презентации и практични медицински работилници.
МИА