Вкупно 541 прекршок за шест часа е новиот „рекорд“ на возачите низ Македонија, покажува билансот на акциската контрола на полицијата спроведена завчера на територијата на целата држава.
„На 15.10.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе зајакната акциска контрола насочена кон санкционирање на возачите кои управуваат возила со брзина поголема од пропишаната.
При спроведената контрола констатиран е вкупно 541 прекршок, од кои 250 се однесуваат на возачи кои ја пречекориле дозволената брзина надвор од населено место, додека 291 прекршок е констатиран во населено место.
Во текот на контролата констатирани се и 58 прекршоци од друг вид“, соопшти Министерството за внатрешни работи.