Резултатите од изборите во Брвеница ја демантираа радоста на СДС дека имаат помал пораз од последните локални избори минатата година, реагираат од владејачката партија по соопштението на Аналитичкиот центар на социјалдемократите според кој, резултатите од вчерашниот круг покажувале дека расте довербата во СДСМ, а паќаа онаа на ВМРО-ДПМНЕ.
„Нивниот пораз е уште поголем од ланските избори.
Тоа што јасно може да се види е дека СДС сега имаат 57 гласа помалку од гласовите на советничка листа лани, кога истиот кандидат им беше носител.
Односно истиот човек лани, како носител на листа за советници, освоил повеќе гласови отколку годинава како кандидат за градоначалник.
За појасно да и биде на јавноста, но и на СДС, лани освоија 763, додека вчера, за истиот кандидат гласале 706 граѓани.
Кога веќе зборуваме со факти и бројки, вистината е следна:
ВМРО-ДПМНЕ освои за скоро 600 гласови повеќе од ланските избори.
Имено, на листа за советници лани освоивме 2.371 глас, додека вчера за Стојанчо Радичевски гласале 2943 граѓани“, се вели во соопштението на владејачката партија.