Согласно одлуката на Регулаторната комисија донесена денеска бензините ЕУРОСУПЕР БС-95 и ЕУРОСУПЕР БС-98 поевтинуваат за 5 денари по литар, а просечното намалување на малопродажните цени на нафтените деривати изнесува 1,89%.
Новите цени ќе започнат да се применуваат од 27 октомври 2026 година, од 00:01 часот, согласно најновата одлука на Регулаторната комисија за енергетика, водни услуги и услуги за управување со комунален отпад.
Со новата одлука, максималната малопродажна цена на ЕУРОСУПЕР БС-95 се намалува од 96 на 91 денар за литар, додека ЕУРОСУПЕР БС-98 поевтинува од 98 на 93 денари за литар.
Цената на ЕУРОДИЗЕЛ БС останува непроменета и ќе изнесува 99 денари за литар.
Екстра лесното масло за домаќинство (ЕЛ-1) поевтинува за 0,50 денари и ќе се продава по максимална цена од 110 денари за литар.
За разлика од бензините и маслото за горење, кај мазутот М-1 НС е утврдено зголемување од 0,694 денари за килограм, со што неговата нова максимална цена изнесува 54,273 денари за килограм.