Покрај правосудната мафија во Македонија се покажуваат знаци на постоење на Административна мафија која со помош на недоречености во законите и кршење на правила го спречува и го забавува процесот на ангажирање странски работници во Македонија.
Иако тој процес на носење на странски работници е неопходен за опстанок на македонската економија и веќе масовно се случува во целиот регион во Македонија, група на административни работници водејќи се од лични бизнис или политички мотиви прават огромна штета на Македонија.
Еден од примерите кој укажува на постоењето на оваа мафија добро скриена во повеќе институции како на пример Агенцијата за вработување на Република Македонија ќе биде јавно достапен утре со сите свои детали.
Судски извори тврдат дека утре во скопскиот суд ќе им се суди на група работници од далечна земја кои може да бидат прогласени за виновни затоа што македонските институции односно поединци внатре во нив од лукративни причини ,,ги наместиле” работниците да излезат пред суд.
На странските работници формално ќе им се суди за пречекорување на престојот во Македонија за еден ден иако тие се во земјава со месеци и имаат добиено дозвола за работа во во Македонија.
Упатен административец кој има увид во случајот за expres.mk вели дека се работи за толку добро организирана административна мафија која без добро познавање на законите и процедурите не можете ни да ја забележите се прави огромни штети.
Дали оваа мафија не сака да дозволи влез на работници преку фирми кои не се ,,пожелни”, дали заради ,,рекет систем” или заради политички причини група луѓе кои на овие теми работат од времето на СДСМ и ДУИ кога почна потребата од странски работници, прават опструкции против кои нема лек освен ако судиите кои ги решаваат овие спорови не се едуцираат за проблемот.
Освен судиите со оваа мафија треба да се справи и премиерот Мицкоски кој ако сака да има силна економија ќе мора да расчисти со луѓето кои го уриваат системот за прием на свежа работна сила.
Дали судијата што утре ќе суди за судбината на странските работници жртви на македонските игри во матно знае што се случува засега не е познато но сигурно е дека наскоро ќе мора да дознае ако сака да пресуди според законот.