Бизнис

Бугарија објави тендер за последните 2,4 км од железничката пруга од Ѓуешево до границата со Македонија

Вредноста на проектот е 57 милиони евра, а треба да биде реализиран до 2029 година

2 минути за читање

Објавени се јавните набавки за последните 2,4 км од железничката линија од Ѓуешево до Македонија и за делницата Софија – Радомир, соопшти прес-центарот на Министерството за транспорт и врски на Бугарија

Вкупната вредност на тендерите е над 576 милиони лева (околу 288 милиони евра), а рокот за завршување на изградбата е 2029 година.

Националната компанија „Железничка инфраструктура“ (НКЖИ) денеска ја објави јавната набавка за новата железничка траса од Ѓуешево до границата со Македонија, единствена делница што недостига од железничкиот Коридор 8 на бугарска територија. Тендерот вклучува проектирање и изградба на железничка пруга од 2,4 км, како и реконструкција на железничката станица Ѓуешево, која ќе стане гранична патничка и товарна станица за Шенген.

Последните 420 метри од трасата се издвоени како посебна ставка во тендерот, бидејќи нивната изградба ќе започне по завршувањето на изградбата на прекуграничниот тунел. Само на овој начин нема да се попречи работата на тешката механизација што се користи за тунелирање, објаснува Министерството. Индикативната вредност на нарачката е 114 милиони лева (57 милиони евра), а рокот за завршување на активностите е до крајот на 2028 година за целата делница, со исклучок на споменатите 420 м.

На крајот на јуни, на состанок со министерот за транспорт на Македонија, Александар Николоски, бугарскиот вицепремиер и министер за транспорт Гроздан Караџов изјави дека изградбата на недостасувачката железничка врска ќе започне во јули. Министерството, исто така, посочи дека двајцата се согласиле да го забрзаат потпишувањето на договорот за заедничка изградба на тунелот.

Пред неколку дена бугарската страна доби одговор од Македонија за нацрт-договорот предложен во јануари оваа година, информира Министерството за транспорт. Бугарската страна нема забелешки на измените испратени од Македонија и ќе предложи да се договори датум за потпишување на документот, додадоа тие.

 

Поврзани теми:

Македонија|Бугарија|Коридор 8|Ѓуешево|железничка пруга|Гроздан Караџов|Александар Николоски

Повеќе на оваа тема:

Најнови вести од: Бизнис

Донесена е одлуката за прогласување на кризна состојба од 7 дена поради неможноста за набавка на мазут

Причина за прогласувањето на кризна состојба е неможноста за набавка на мазут, кој е неопходен за производството на електрична енергија. Владата информира дека задолжителните резерви на нафтен дериват ќе се отстапат без надоместок, а АД ЕСМ ќе има обврска да доставува извештај за трошењето на мазутот до Владата и до Министерството за финансии.

Инфлацијата е стабилизирана – девизните резерви се на сигурно ниво, вели Гувернерот Славески

Во последните четири месеци не само што инфлацијата е стабилизирана туку имаме и месеци на нејзино намалување. Од особена важност е што се стабилизирани инфлациските очекувања на домаќинствата и на фирмите, односно нема очекувања за постојан раст на цените и сметам дека тоа е постигнато, нагласи Славески.

Исплатени близу 5,5 милиони евра субвенции за сточарите

Корисниците на кои не им се исплатени субвенции за 2023 година трреба да се обратат до Агенцијата за финансиска поддршка во земјоделството и руралниот развој, со цел да се изврши детална проверка и разгледување на секој поединечен случај, соопшти Министерството за земјоделство.

Мицкоски: Зголемување на минималната плата преку дијалог, не преку наметнати решенија

Економско-социјалниот совет не донесе одлука за зголемување на минималната плата. Владата тврди дека не е против зголемување, но инсистира тоа да биде економски оправдано. Според актуелните параметри, нема потреба од интервентно зголемување пред редовното усогласување во март.

(Фото): Пробиваме планини за безбеден автопат Охрид-Кичево, вели Николоски

Со засилено темпо продолжуваат да се изведуваат градежните зафати на автопатот Охрид – Кичево. За првпат во Македонија, но и во поширокиот регион, на оваа траса се применуваат напредни градежни решенија за стабилизација на теренот, со цел автопатот целосно да се доизгради и да се стави во функција како безбедно сообраќајно решение.

Дурмиши: Минималната плата ќе се усогласува законски и одржливо

Министерот за економија го презентираше напредокот во подготовката на Оперативниот план за активни програми и мерки за вработување за 2026 година, со вкупен буџет од 2,39 милијарди денари. Фокусот е ставен на младите, на обуките за вештини што ги бара пазарот на труд и на вклучувањето на ранливите категории, особено лицата со ниско или без формално образование.

Премиерот објави инвестиција од 100 милиони евра во енергетиката

Во Владата беа потпишани договори, настан кој има значење и оди многу подалеку од формалниот чин на потпишување на договори. Всушност денес донесовме одлуки коишто ја обликува иднината на државата, ја зајакнуваат нејзината стабилност и ја дефинираат нашата визија за економски развој, безбедност и суверенитет.
Сите вести од Бизнис

Најнови вести

To top