Среде кризната состојба прогласена во Македонија вчера, Бугарија му понуди на југозападниот сосед да му доставува мазут додека не се нормализира увозот од Грција оневозможен од блокадите од тамошните земјоделци.
По наредба на премиерот во заминување Росен Желјасков, министерот за енергетика Жечо Станков изврши проверка на залихите на мазут во Бугарија, а инспекцијата утврди дека има доволни количини мазут за потребите на земјата, соопшти владината прес-служба.
Желјасков потоа го овластил министерот за надворешни работи Георг Георгиев да понуди мазут во телефонскиот разговор со неговиот македонски колега Тимчо Муцунски. Бугарската страна изрази подготвеност да помогне во обезбедувањето на потребните количини, почитувајќи ги техничките и логистичките можности.
За време на разговорот беше нагласено дека обезбедувањето помош е израз на добрососедство и солидарност и има цел да осигури енергетска безбедност и стабилност во регионот.
На Македонија мазутот ѝ е потребен за производство на електирчна енергија.