Инфлацијата во јуни, во однос на мај, се намали за 0,5%, измери Државниот завод за статистика. На годишно ниво изнесува 3,4%. Најголемо месечно намалување на трошоците на животот е забележано кај транспортот, каде цените се пониски за 1,6 отсто, како и кај групата храна и безалкохолни пијалаци со пад од 1,1 отсто. Кај рекреацијата, спортот и културата има зголемување од 1,4 отсто, додека кај личната нега, социјалната заштита и разновидните стоки и услуги растот изнесува 0,5 отсто. Помало зголемување има и кај трошоците за покуќнина, опрема и одржување на домаќинствата, како и кај рестораните и хотелите, по 0,3 отсто. Кај здравствената заштита е забележан раст од 0,2 отсто, а кај облеката и обувките од 0,1 отсто.
Според најновото соопштение на Државниот завод за статистика, инфлацијата мерена преку индексот на трошоците на животот во јуни 2026. година во однос на мај изнесува -0,5%. Најголемо намалување има кај транспортот, за 1,6%, и кај храната и безалкохолните пијалаци, за 1,1%. Токму тие две групи најдиректно се чувствуваат во семејниот буџет: едната на бензинската пумпа и во јавниот превоз, другата на касата во маркетот.
- Во јуни 2026 година, во однос на мај 2026 година, зголемување на трошоците на животот е забележано во следните групи: Рекреација, спорт и култура за 1,4 %, Лична нега, социјална заштита и разновидни стоки и услуги за 0,5 %, Покуќнина, опрема за домаќинствата и редовно одржување на домаќинствата и Ресторани и услуги за сместување за 0,3 %, Здравствена заштита за 0,2 %, Облека и обувки за 0,1 %.
Паралено, без промена останале цените кај алкохолните пијалаци, тутун и наркотици, домување, вода, струја, гас, услугите за образование, како и осигурувањето и финансиските услуги. Во мајските макроекономски проекции, Народна банка ја проектираше инфлацијата за 2026. околу 4%, со очекување постепено смирување во наредниот период. Тоа ја прави јунската бројка охрабрувачка, но сè уште недоволна за заклучок дека ценовниот притисок олабавува.