Бизнис

И покрај милионскиот долг, „Пуцко петрол“ ќе продолжи да го снабдува ЈСП „Скопје“ со нафта

Граѓаните се жалат дека цело време има доцнења на градските автобуси. Стравуваат дека во наредните денови може да има прекин на јавниот превоз поради информациите што ги слушнале, односно проблемите со снабдувањето со нафта.

2 минути за читање

Откако граѓаните се изнаслушаа секакви сценарија, се огласија од нафтената компанија што го снабдува ЈСП со гориво. Сопственикот на „Пуцко петрол“, Асмир Јахоски, соопшти дека неговата компанија ќе продолжи да го снабдува ЈСП „Скопје“ со нафта за автобусите. Давајќи изјава за ТВ 21, тој одговори на шпекулациите во јавноста дека е можен прекин на градскиот превоз, откако од Градот Скопје веќе реагираа дека фирмата „Пуцко петрол“ и нејзиниот сопственик ја прекинале испораката на нафта и покрај активниот договор со ЈСП „Скопје“.

  • „ЈСП ни должи 10 милиони евра, две години не ги платиле фактурите за гориво. Пуцко Петрол редовно испорачува нафта, но моето прашање е ова – зошто сметките на ЈСП се блокирани и не можат да плаќаат за услуги што се есенцијални за функционирање, како што е горивото. Зошто Градот Скопје не го менаџира како што треба ова претпријатие? Сепак, Пуцко Петрол нема да го прекине снабдувањето со нафта, за да не страдаат граѓаните“, вели Асмир Јахоски за ТВ 21. 

Според него, Градот Скопје не управува правилно со претпријатието ЈСП, за кое додаде дека е заглавено во долгови. Сепак, повтори дека нема да го прекинат снабдувањето со гориво, за да не страдаат граѓаните.

Од ЈСП „Скопје“ соопштија дека нема најава за прекин на возењето на нивните автобуси. Иако вчера неофицијално имаше најави за проблеми со снабдувањето со нафта, оттаму соопштија дека вчера попладне пристигнале 20 тони гориво, по десет во двете автобази, што е доволно за возењето во текот на вчерашниот и денешниот ден.

Од Град Скопје преку соопштение реагираа дека фирмата „Пуцко петрол“ и нејзиниот сопственик Асмир Јахоски ја прекинале испораката на нафта и покрај активниот договор со ЈСП „Скопје“. Според Град Скопје, Јахоски го сторил тоа под „силен политички притисок“, со цел да се создаде хаос во главниот град.

Поврзани теми:

топ|нафта|Град Скопје|ЈСП|патници|Пуцко Петрол|гориво|долгови

Повеќе на оваа тема:

Најнови вести од: Бизнис

Алкалоид на форумот „Европската перспектива на македонскиот бизнис“: Патот кон европските пазари го изградивме сами, чекор по чекор

Мукаетов истакна дека „Алкалоид“ расте и се развива во таква комплексна средина, останувајќи доследен на своето мото Здравјето пред сè

Инфлацијата годинава треба да падне под 3 отсто, очекува Владата

Што се однесува до другите месеци, јас очекувам да бидат под 3%. Да речеме има држави во Европа како што е Романија, каде што инфлацијата во јануари е 9,8%, има Турција каде што е двоцифрена инфлацијата, преку 30%, соседна Бугарија, Хрватска и така натаму, да ги редам, голем број примери во Европа, каде што инфлацијата е многу поголема од таа што е кај нас. Јас очекувам кај нас инфлацијата оваа година на годишно ниво да биде под 3%, односно во рамките на она што го проектираме, вели премиерот.

Пратениците пак се скараа за парите – СДСМ бара 600 евра минималец, ВМРО-ДПМНЕ смета дека платите мора да растат според економските параметри

Министерот за економија и труд, Бесар Дурмиши, од собраниската говорница порача дека дебатата за минималната плата е политички инструирана и не ја отсликува реалната слика на пазарот на труд. Одговарајќи на пратеничко прашање од Левица, тој изнесе податоци според кои бројот на луѓе кои живеат само од минимална плата е занемарлив.

Нема повеќе профит врз грбот на граѓаните, Владата воведува ред на пазарот

Анализите во минатите години покажаа дека поради сивата економија државата губи милиони евра годишно. Само државниот буџет секоја година губи околу половина милијарда евра коишто би можеле да се инвестираат во здравството, образованието или инфраструктурата.

Државната помош не смее да е товар на јавните финансии, туку инвестиција во одржливиот раст

Во државава недостига централизирање на државната помош, таа се води во разни институции, а тоа го отежнува управувањето со овие пари. Затоа е неопходно брзо да се направи централен регистар за државна помош, со широка палета програми што се нудат и на тој начин не само што ќе се подигне транспарентноста, туку и ќе може подетално да се мерат ефектите од таа помош.

(Фото): Работник со минималец од 400 евра, заработува за газдата 4.700 евра, тврдат Синдикатите

Добар ден на сите освен на министрите во Владата, порача претседателот на Сојузот на синдикатите на Македонија, Слободан Трендафилов, од протестот пред Владата на кој ги повтори барањата на работниците за зголемување на минималната плата на 600 евра и на сите останати плати за 100 евра.

Заедно со Министерството за транспорт ќе ги решиме проблемите на превозниците, смета стопанството

Од Асоцијацијата „Макам-транс“ велат дека активно учествуваат во процесот на изнаоѓање решение за проблемите со кои се соочуваат превозниците при престојот во шенген-зоната во преодниот период до целосно спроведување на новата стратегија за визна либерализација на Европската Унија. Посочуваат дека веќе има позитивни одговори од некои од институциите и коморите по чекорите што ги презедоа за поголемо лобирање за наоѓање решение и апелираат на што поголем заеднички ангажман од сите во оваа насока.
Сите вести од Бизнис

Најнови вести

To top