Бизнис

Колку пари им заштеди „училишната кошница“ на семејствата со ученици?!

Интересот за мерките за вработување голем, бидејќи оперативниот обем е зголемен за 7,5 милиони евра, односно достигнува околу 40 милиони евра, изјави денеска заменик-министерот за економија и труд Марјан Ристески.

Според првичните информации, едно семејство во просек заштедило до 3.000 денари од акцијата „Училишна кошничка“, која траеше до 15 септември, изјави заменик-министерот за економија и труд, Марјан Ристески, во Делчево, каде што на средба со претставниците со бизнис-секторот ја следеше реализацијата на активните мерки за вработување и економски развој за тековната година.

– Во текот на реализацијата на оваа акција беа спроведени околу 400 вонредни инспекциски надзори. Беа утврдени мали пропусти, кои веднаш беа коригирани на местата каде што се продаваше училиштен материјал – рече Ристески.

Тој рече дека интересот за мерките за вработување е голем, бидејќи е зголемен оперативниот обем за 7,5 милиони евра, односно достигнува околу 40 милиони евра. Средствата, како што нагласи, се наменети не само за бизнис-секторот туку и за невработените лица што сакаат да започнат сопствен бизнис или да се вработат во реалниот сектор, особено во малите и во средните претпријатија.

– Овие мерки нема да останат во постојната форма, туку ќе ги унапредуваме со цел Оперативниот план да биде уште поактивен, насочен кон развој на стопанството и намалување на невработеноста. На крајот од годината ќе направиме анализа за да видиме кои мерки ќе продолжат и ќе бидат уште поблиски до потребите на бизнис-секторот – рече Ристески.

Најнови вести од: Бизнис

Блокада: Една од најголемите компании за јавни набавки во Македонија не може да учествува во тендери

Прилепското обвинителство спроведува истрага за вкупно 32 лица, од кои 7 правни лица, осомничени за повеќе кривични дела, меѓу кои злоупотреби при јавни набавки, злоупотреба на службената положба и фалсификување и уништување деловни книги, а со делата наводно е оштетен буџетот на болницата за околу 700.000 евра.

Нема да има енергетска криза, уверува Мицкоски

Европската Унија пак донесе одлука за забрана за транзит на руски гас преку ЕУ до трети земји. Но, по ваквиот потег министерката за енергетика Божиновска излезе со уверување дека проблем нема да има и покрај тоа што најголем дел од количините на гас во земјава се токму од Русија.

Од сега „Визер“ ќе лета за Бари, Стокхолм, Мадрид, Ларнака и за Базел

Од петте нови линии што започнуваат денескa и утре, Мадрид и Бари се целосно нови дестинации за македонскиот пазар, односно главниот град на Македонија за првпат ќе биде поврзан со шпанската престолнина и со италијанскиот крајбрежен град.

Западен Балкан гради „клон“ на европскиот систем за инстант плаќања

Во фокусот на 16. Конференција за плаќањата и пазарната инфраструктура, што на 28 и 29 октомври ќе се одржи во Охрид, во организација на Народната банка и Централната банка на Холандија, ќе бидат системите на плаќања во дигиталната ера.

Колку пари годинава работниците ќе земат од К-15?!

Од Сојузот на синдикатите на Македонија (ССМ) велат дека за 2025 година е обезбеден регрес за годишен одмор за околу 600 илјади вработени во приватниот и во јавниот сектор согласно со двата потпишани општи колективни договори. Во приватниот сектор, регресот за годишен одмор ќе чини 300 евра, а во јавниот сектор 100 евра помалку. Во подобро ситуираните компании даваат регрес кој е речиси трипати поголем од законски пропишаниот, односно и преку 50.000 денари.

Македонија ќе биде домаќин на најголемиот светски собир за одржлива енергија

Во текот на тридневниот форум ќе се одржат низа панел-дискусии, технички сесии и тематски разговори на кои ќе се разгледуваат најактуелните прашања поврзани со енергетската безбедност и отпорност, финансирањето на чиста енергија, дигитализацијата на системите, управувањето со критични суровини, праведната транзиција, како и улогата на младите и жените во енергетската трансформација.

Минималец од 800 евра не стига за пристоен живот, предупредуваат Хрватите

Хрватскиот парадокс е што државата ги субвенционира работодавците со две илјади евра годишно преку исплата на додатоци во фондовите за здравствен и пензиски систем за работници кои примаат минимална плата, кои се претежно странски работници. Растот е во ред, но мора да зборуваме и за развој што ќе им овозможи на хрватските граѓани да живеат подобро.

To top