Просечната јунска бруто плата во Србија изнесуваше 147.947 динари, а просечната нето плата, односно плата без даноци и придонеси, беше 107.075 динари, објави Републичкиот завод за статистика. Медијалната јунска нето плата изнесуваше 83.525 динари, што значи дека 50 проценти од вработените имале приход од работен однос до наведениот износ.
Растот на бруто и нето заработката во периодот јануари-јуни 2025 година, во споредба со истиот период минатата година, изнесуваше 11,0 проценти номинално, односно 6,4 проценти реално. Во споредба со истиот месец од претходната година, просечната бруто и нето заработка за јуни 2025 година е номинално поголема за 11,8 проценти, а реални за 6,9 проценти.
Од 2018 година, Републичкиот завод за статистика пресметува и медијална нето заработка. Во нејзина пресметка вклучени се сите работодавачи кои поднеле електронски пополнет формулар со пресметана заработка до Даночната управа, наместо просечната заработка да се пресметува врз основа на репрезентативен примерок.
Ова ги вклучува платите на вработените во работен однос, но и платите надвор од работен однос, т.е. договорите за привремени работни места. Статистиката не ги вклучува надоместоците врз основа на договори за работа и сите надоместоци за кои не се плаќаат даноци и придонеси, објави Блиц.
Паралелно, пресметките на синдикатот покажуваат дека две минимални плати се малку за да се покријат основните месечни трошоци на едно семејство. Вредноста на минималната потрошувачка кошничка во јули изнесува 65.328 денари и во споредба со јуни е зголемена за 630 денари.
Од Владата остануваат на ставот дека зголемувањето на минималната плата треба да се реши на Економско-социјалниот совет и дека само со конструктивен разговор може да се донесе решение што Владата ќе го почитува.