Заменик-министерот за финансии Николче Јанкуловски очекува раст и на просечната плата, и на минималната во 2026 година.
„Во согласност со проекциите што ги имаме, очекуваме просечната плата да порасне околу 9,5-10 проценти, а минималната, согласно Законот, околу 7 проценти, односно од 1.700 до 2.000 денари. Тоа треба да се случи во март и тоа е сегашната позиција на Министерството за финансии, но останува ова прашање да се отвори на Економско-социјалниот совет“, изјави тој во емисијата „Бизнис 21“ на ТВ 21.